SIGGA-SIFU KAMU!
Umara-aru nga Tinedyer i Makkaproblema ta Mental Health Da—Anni i Kagian na Biblia?
Turi ta Lunes, Pebrero 13, 2023, nangilawan tu report i Centers for Disease Control and Prevention (CDC) ta United States meyannung ta mental health o gawa-gawayyan ta mental na tinedyer ira ta U.S. Nakagi tatun nga maggi gaddua na estudiante ira ta high school i ari mawawawan i pakatageno da tu malullungkut ira anna awan tu pag-asa da.
Kinagi ni Dr. Kathleen Ethier, director na Division of Adolescent and School Health (DASH) na CDC: “Ta nappasa nga 10 nga dagun, naobserba mi nga naggrabe i problema ta mental health na kabataan ira. Ngem mas naggrabe i problema ta mental health na tinedyer ira nga babbay anna mas aru ngana nga tinedyer nga babbay i mannonono nga mappakamatay, mapplano nga kuan yatun, onu talaga pinuruebadda i mappakamatay.”
Nakagi ta report:
Maturu tu 1 ta kada 10 nga tinedyer nga babbay (14 percent) i nafersa nga maki-sex. “Talaga kavvuru-vurung yatun,” kinagi ni Dr. Ethier. “Ta kada 10 nga tinedyer nga babbay nga ammammum, tadday onu baka maturu paga ta nira i na-rape.”
Maggi 1 ta kada 3 nga tinedyer nga babbay (30 percent) i talaga mannonono nga mappakamatay.
Maggi 3 ta kada 5 nga tinedyer nga babbay (57 percent) i ari mawawawan i pakatageno da tu malullungkut ira anna awan tu pag-asa da.
Kuruga makaparaddam danaw nga report. I tiempo gare na pabbalin tu kabataan ay tiempo nakuan na pagenjoy anna pabbalin tu magayayya. Anni gafu i makaduffun ta tinedyer ira nu ma-stress ira? Anni i kagian na Biblia?
Makaduffun i Biblia ta tinedyer ira
Segun ta Biblia, maka-stress i tiempo nga pattolayattam sangawe. Agalan na yatun tu tiempo na “ziga-riga.” (2 Timoteo 3:1-5) Ngem namegafu tagga adde sangawe, makaduffun i tabarang ira na Biblia ta minillion nga tinedyer ta interu mundo tapenu ammu da i kuadda nu egga ira i problema da. Innan i tumunug ira nga nebase-Biblia nga artikulo.
Uffun para ta tinedyer ira nga mannonono nga mappakamatay
Uffun para ta tinedyer ira nga egga i depression da, malullungkut, onu negatibo i mataga-tageno da
Labanammu i Lungkut, Mabbalikka tu Masaya (whiteboard animation)
Uffun para ta tinedyer ira nga mabu-bully onu ma-cyberbully
Maffu Mu i Bully Maski Ariammu Makiddama (whiteboard animation)
Uffun para ta tinedyer ira nu egga i mambastus onu mangabuso ta nira ta seksual
Ano ang Dapat Kong Malaman Tungkol sa Seksuwal na Pagsalakay?—Bahagi 1: Pag-iingat
Ano ang Dapat Kong Malaman Tungkol sa Seksuwal na Pagsalakay?—Bahagi 2: Pag-recover
Makaduffun i tabarang na Biblia para ta mappagana
Egga gapa ira i tabarang na Biblia para ta mappagana tapenu maduffunadda i tinedyer ira nga ána da ta problema da. Innan i tumunug ira nga nebase-Biblia nga artikulo.
Baka Kaya Mu Gapa i
PASSIFUSIFUTAN
Mental nga Gawa-gawayyan—Problema na Aru nga Totolay
Awayya na nga maekspiriensa na sinni laman i mental ira nga taki maski anni paga i edad onu naggafuanan na. Ammuammu nu kunnasi makaduffun i Biblia ta mental nga gawa-gawayyammu.
ESSENTIAL BIBLE TEACHINGS
Ngatta Ipamavulun na Dios i Pazziga-riga?
Aru i makkiavu nu ngatta napannu tu lussaw anna pazziga-riga i mundo. Mangiyawa i Biblia tu fustu anna makapabannay nga tabbag.
NABALOR IRA NGA TUTTUDDU TA BIBLIA
Posible Kari nga Mabbalin Ittam tu Kofun na Dios?
Nabayag ngana nga matageno na totolay nga mawag tu makilala da i Namaratu nira. Uffunan ittam na Biblia nga mabbalin tu kofun na Dios. Mamegafu i pakikkofun ta Dios ta pangammu ta ngagan na.
MEYANNUNG NIKAMI
Mar-request tu Egga Mabbisita Nikaw
Pabbidan i tadday nga pakkiavu meyannung ta Biblia, onu mas paga nga ammuan i meyannung ta Saksi ira ni Jehova.
