Evaọ Ẹdọvo-Oka, ẹdẹ avọ 13 Ava, 2023, utu nọ a re se Centers for Disease Control and Prevention (CDC) evaọ obọ United States o siobọno iyẹrẹ ekiakiẹ jọ nọ a ru kpahe ẹyao iroro nọ emọ nọ e rrọ unu ikpe ikpegbesa rite ikpegbizii nọ e rrọ obọ U.S. a be mọ. Iyẹrẹ na e ta nọ enwenọ abọvo emọ nọ e rrọ ekọleji a be hae jọ ọkọkora no oke te oke, yọ o be hae jarae oma nọ a gbe wo ẹruore he.

 Dr. Kathleen Ethier nọ o wuzou CDC’s Division of Adolescent and School Health (DASH) ọ ta nọ: “Anwọ ikpe 10 ze na, ma muẹrohọ no inọ izoge nọ e be mọ ẹyao iroro i bi dhe ebuebu. Rekọ nọ ma be ta ẹme na, oghẹrẹ nọ emetẹ nọ e rrọ ikpe ikpegbọ a be rọ mọ ẹyao iroro je roro kpahe epanọ a re ro kpe omarai no, u tube yoma vi epaọ ọsosuọ no.”

 Iyẹrẹ na e ta re nọ:

•   Evaọ emetẹ udhusoi kpobi nọ e rrọ ikpe ikpegbọ, ikpegbene evaọ usu rai a gbahọ no re a lele ọzae wezẹ dede nọ a gwọlọ ere he. Dr. Ethier ọ ta nọ: “Onana u yoma kẹhẹ. Oyena u dhesẹ nọ evaọ usu emetẹ 10 kpobi nọ e rrọ ikpe ikpegbọ nọ whọ riẹ, omọvo evaọ usu rai hayo bu vi ere a gbadu no.”

•   Evaọ emetẹ udhusoi kpobi nọ e rrọ ikpe ikpegbọ, 30 evaọ usu rai eye e gwọlọ nọ a re kpe omarai no.

•   Evaọ emetẹ udhusoi kpobi nọ e rrọ ikpe ikpegbọ, 57 evaọ usu rai a be hae jọ ọkọkora no oke te oke, yọ o be hae jarae oma nọ a gbe wo ẹruore he.

 Ẹbẹbẹ nana nọ ọ rrọ otọ na o kuye kẹhẹ. U fo nọ oke uzoge o rẹ jọ oke nọ ohwo ọ rẹ rọ were eva jẹ ghọghọ. Eme ọ sai fiobọhọ kẹ izoge thihakọ ebẹbẹ nọ i bi te ai nẹnẹ? Eme Ebaibol na ọ ta?

Ebaibol na ọ kẹ izoge ehrẹ nọ e rẹ sai fiobọhọ

 Ebaibol na ọ ta vevẹ nọ eware e te jọ gaga evaọ etoke nana nọ ma be rria na. O se etoke nana “oke obẹbẹ nọ o rẹ bẹ ẹria.” (2 Timoti 3:1-5) O make rrọ ere na, Ebaibol na ọ kẹ obọdẹ ehrẹ nọ i bi fiobọhọ kẹ izoge buobu evaọ akpọ na soso nọ a be sai ro thihakọ ebẹbẹ nọ i bi te ai. Rri izoẹme nana nọ a kere no Ebaibol ze na.

•   Eme U Fo nọ Me re Ru nọ Uzuazọ O tẹ Bẹ Omẹ No?

•   Mẹ Gwọlọ Whu No—Kọ Ebaibol na Ọ Sai Fiobọhọ kẹ Omẹ nọ Me te Wo Iroro Ethuru Whu?

•   Why Go On?

•   How Can I Deal With Depression?

•   Ẹvẹ Mẹ Sae rọ Siọ Abọ Oyoma Oware Ba Eroro Kpahe Ẹsikpobi?

•   Eme Me ti Ru re Mẹ Gbẹ Ruawa Ga Hrọ Họ?

•   How Can I Control My Emotions?

•   Epanọ Ma Sae rọ Siọ Ọkora Ba jẹ Were Eva (eware nọ a drọ fihọ ebọdo ọfuafo)

•   Eme Me re Ru nọ A tẹ be Gwọlọ Omẹ Ẹme?

•   What if I’m Being Cyberbullied?

•   Kpe Ọgwọlọ-Ẹme Ababọ Obọ nọ Who re Dhe Tei (eware nọ a drọ fihọ ebọdo ọfuafo)

•   Eme Me re Ru nọ Ọmọtẹ Hayo Ọmọzae Ọ tẹ be Gwọlọ Bẹlẹ Omẹ?

•   Eme U Fo nọ Mẹ rẹ Riẹ Kpahe Uruemu Ọgbaduo?—Abọ 1: Omayọrọ

•   What Should I Know About Sexual Assault?—Part 2: Recovery

Ebaibol na ọ kẹ esẹgbini ehrẹ nọ e rẹ sai fiobọhọ

 Ebaibol na ọ tẹ jẹ kẹ esẹgbini obọdẹ ehrẹ nọ i re fiobọhọ kẹ ae re a sai fiobọhọ kẹ emọ rai nọ e gbẹ rrọ uzoge re a sai thihakọ ebẹbẹ nọ i bi te ai. Rri izoẹme nana nọ a kere no Ebaibol ze na.

•   Teen Depression—Why? What Can Help?

•   When Your Teenage Daughter Is Stressed Out

•   Eme Me re Ru Otẹrọnọ A be Hae Gwọlọ Ọmọ Mẹ Ẹme?

•   When Your Teenager Self-Injures

•   Emọ gbe Eware nọ A re Vi Evaọ Itanẹte—Abọ 1: Kọ U Fo re Ọmọ Mẹ O Fi Eware Họ Itanẹte je Rri Enọ Ahwo A Fihọ?

•   Emọ avọ Itanẹte—Abọ avọ 2: Wuhrẹ Ọmọ Ra Kpahe Epanọ Ọ rẹ rọ Yọroma Evaọ Itanẹte

•   Emaha na gbe Ifonu nọ A rẹ rọ Ruọ Itanẹte—Abọ 1: Kọ U Fo re Ọmọ Mẹ O Wo Ifonu nọ A rẹ rọ Ruọ Itanẹte?

•   Emaha na gbe Ifonu nọ A rẹ rọ Ruọ Itanẹte—Abọ avọ 2: Wuhrẹ Ọmọ Ra re O Rri Otọ Mu nọ O te Wo Ifonu nọ A rẹ rọ Ruọ Itanẹte

•   How to Talk to Your Teen About Sexting