¡KUKX QO XQʼUQIN!

Mas ma tzaj yabʼil toj kyximbʼetz kuʼxun | ¿Tiʼ in tzaj tqʼamaʼn Tyol Dios tiʼj jlu?

TUʼN TOK QBʼIʼN TOJ

Etz jun tqanil kyuʼn qeju in che aqʼunan toj CDC techel toj inglés atz Estado Unidos toj lunes 13 te febrero te 2023 tiʼjju yabʼil mas in tzaj toj kyximbʼetz kuʼxun toj tnam lu. Tqʼama tqanil lu qa 40 tiʼj 100 qʼa ex txin in che xnaqʼtzan toj básico, tzaj nim bʼis kyiʼj ex kubʼ kynaʼn qa mintiʼx jun qʼuqbʼil kykʼuʼj toj nim ambʼil.

«O tzʼok qqʼoʼne qwitze tiʼj junjun yabʼil in tzaj toj kyximbʼetz kuʼxun kyoj qeju 10 abʼqʼi tzma in che ikʼ», chi jun aj qʼanil Kathleen Ethier tbʼi, aju director toj DASH techel toj inglés. Ex in tzaj tqʼamaʼn aj qʼanil jlu: «Noqtzun tuʼnj, aj tul tqanil kyiʼj kuʼxun jaʼlo, in nel qnikʼe tiʼj qa mas in tzaj yabʼil toj kyximbʼetz ex mas in nok tilil kyuʼn tuʼn tkubʼ kybʼyon kyibʼ toj ambʼil jaʼlo».

Aju lu tqʼama tqanil:

Jun tiʼj 10 txin, toj juntl yol, 14 tiʼj 100, kubʼ ten tukʼil jun xjal ex nyatoq taj. «Jaku tzaj bʼaj qkʼuʼj tuʼn jlu», chi aj qʼanil Ethier. ¿Tiquʼn? Tqʼamatl aj qʼanil jlu: «Aj tok qqʼoʼn qwitz tiʼj 10 txin, olo kubʼ violarin jun moqa mas».
Chʼixmi jun tiʼj oxe txin, toj juntl yol 30 tiʼj 100 txin, kubʼ t-ximen tuʼn tkubʼ tbʼyoʼn tibʼ.
Chʼixmi oxe tiʼj jweʼ txin, toj juntl yol 57 tiʼj 100 txin, kubʼ kynaʼn nim bʼis ex mintiʼ jun qʼuqbʼil kykʼuʼj.

Jaku qo tzaj xobʼ kyuʼn qe tqanil lu tuʼnju tbʼanel ambʼil aj qokx toj qkuʼxumal. Pero atzun kye txin ex qʼa lu, nya tbʼanel in nela ambʼil lu toj kywitz. Tuʼntzunju, ¿tiʼ jaku tzʼonin kyiʼj kuʼxun aj kyok weʼ twitz nya bʼaʼn toj ambʼil jaʼlo? ¿Tiʼ in tzaj tqʼamaʼn Biblia?

In tzaj tqʼoʼn Biblia tbʼanel onbʼil kye kuʼxun

Clar in tzaj tqʼamaʼn Biblia qa in qo anqʼin toj jun ambʼil jatumel in tzaj «nim yajbʼil» (2 Timoteo 3:1-5). Noqtzun tuʼnj, ax ikx in tzaj tqʼoʼn Tyol Dios tbʼanel consej aju mlayx che bʼaj ex in che onin kyiʼj nim millón kuʼxun toj ambʼil jaʼlo tuʼn kyex kywitz nya bʼaʼn. Qʼonka twitza kyiʼj junjun xnaqʼtzbʼil in che jatz toj Biblia.

Onbʼil kye kuʼxun in kubʼ kyximen tuʼn tkubʼ kybʼyoʼn kyibʼ

Onbʼil kye kuʼxun in che bʼisun, in kubʼ kynaʼn nya bʼaʼn moqa o tzaj depresión kyiʼj

«¿Qué hago si estoy deprimido?»
«¿Tiʼ jaku bʼant wuʼne tuʼn tten tbʼanel nximbʼetze?»
«¿Cómo puedo dejar de preocuparme por todo?»
«¿Cómo puedo controlar mis emociones?»
Qʼiʼmela bʼis tiʼja (Pizarrón at tilbʼilal twitz)

Onbʼil kye kuʼxun in nok bʼinchaʼn nya bʼaʼn kyiʼj, axpe ikx toj internet

«¿Y si mis compañeros me acosan o se burlan de mí?»
«¿Cómo puedo defenderme del ciberacoso?»
Alkye tten jaku tzʼok t-xqʼuqin tibʼa tuʼn miʼn ttzaj jun nya bʼaʼn tiʼja (Pizarrón at tilbʼilal twitz)

Onbʼil kye qeju in nok bʼinchaʼn nya bʼaʼn tiʼj kyxmilal ex qeju in che kubʼ violarin

In tzaj tqʼoʼn Biblia tbʼanel consej kye mambʼaj

Ax ikx in tzaj tqʼoʼn Biblia tbʼanel consej kye mambʼaj tuʼntzun kyonin kyiʼj kykʼwal aʼyeju ma che japun toj kykuʼxumal tuʼntzun tikʼx kyuʼn aju nya bʼaʼn in che ok weʼ twitz. Che xnaqʼtzane kyiʼj xnaqʼtzbʼil in che jatz toj Biblia.