¡NAKUIXTYAAJƗ!
Jempɨk naspa ixɨ’ kun je’m traytyipɨxiñtyam y wooñyomtam ijɨɨxi | ¿Tyi nɨmpa je’m Biblia?
Je’m lunes 13 de febrero de 2023, je’m Centros para el Control y la Prevención de Enfermedades (CDC, por sus siglas inglés) itywɨ’ɨp Estados Unidos in̈matyaj en tuum informe jempɨk sɨ’ iñaskayaj je’m traytyipɨxiñtyam y wooñyomtam ijɨɨxi. In̈mat iga maaj de 40% jempɨk kuyujyajpa secundaria juchixkej an̈ya’kneyajpa y dyam ityyajto’oba.
Je’m doctora Kathleen Ethier, directora de je’m Sección de Salud Escolar y del Adolescente de CDC, nɨm: «Tana’mta’mpa iga yɨ’p 10 amtyɨy je’m traytyipɨxiñtyam y wooñyomtam majtyim ja’yan̈yaj jempɨk an̈ya’kneyaj, y je’m wooñyomtam je’am jempɨk maaj nakka’ayajtato’oba».
Je’m informe nɨmtyim:
Tuum de cada 10 wooñyomtam (tuum 14%) teguedɨyñeyajta iga iniityyajiñ sexo mex iga dya’ idyɨk ixunyajpa. Je’m doctora Ethier nɨm: «Yɨ’p tsaam takkobakpijpa. Iga tuum de cada 10 wooñyomtam iga mich iñixpɨkpa teguedɨyñeyajta iga iniityyajiñ sexo».
Tuum de cada 3 wooñyomtam (tuum 30%) ijɨɨsneyaj iga nakka’ayajtato’oba.
Tuumtsam 3 de cada 5 wooñyomtam (tuum 57%) juchixkej an̈ya’kneyaj y dyam ityyajto’oba.
Yɨ’p tsaam tan̈ya’kwatpa, iga jesɨk mañiyajnam jesɨgam maaj maymayaneyajiñ. Je’yukmɨ, ¿tyi wɨap iyooxpa’tyaj je’m traytyipɨxiñtyam y wooñyomtam iga wɨaiñ iya’achɨyyaj jempɨk sɨ’ iñaskayaj? ¿Tyi nɨmpa je’m Biblia?
Je’m Biblia iyooxpa’tpa je’m traytyipɨxiñtyam y je’m wooñyomtam
Je’m Biblia in̈matpa iga yɨ’p in̈an̈pɨgam jaama tsaam itypa kobakpiijiyaj y «tsa̱m yaachwatyajta̱p» (2 Timoteo 3:1-5). Iniitytyim wɨtampɨk an̈ki’mayo’oyiyaj iga juchixkej tayooxpa’tpa y ja’yan̈ traytyipɨxiñtyam y wooñyomtam ikuwɨtyi naxyukmɨ sɨ’bam iyooxpa’tyaj. Yɨ’pyaj an̈ki’mayo’oyiyaj iyooxpa’tyajpa iga wɨaiñ iya’achɨyyaj je’m kobakpiijiyaj. Ju’uts akwiñkejo’oyi, maayɨ’ yɨ’pyaj an̈kejayo’oyiyaj topneyajtawɨ’ɨp je’m Bibliajom.
Yooxpado’oyiyaj para je’m traytyipɨxiñtyam y wooñyomtam iga nakka’ayajtato’oba
Yooxpado’oyiyaj para je’m traytyipɨxiñtyam y wooñyomtam iga iniityyaj depresión, an̈ya’kneyaj o dyam ityyajto’oba
Borra la tristeza (video de «La pizarra animada»).
Yooxpado’oyiyaj para je’m traytyipɨxiñtyam y wooñyomtam iga wadayyajtaap (bullying) o ciberacoso
Cómo defenderte sin dar un solo golpe (video de «La pizarra animada»).
Yooxpado’oyiyaj para je’m traytyipɨxiñtyam y wooñyomtam iga wadayyajtaap acoso sexual o agresión sexual
¿Qué debes saber sobre las agresiones sexuales? Primera parte: Precauciones que deberías tomar
¿Qué debes saber sobre las agresiones sexuales? Segunda parte: Cómo puedes recuperarte
Je’m Biblia iyooxpa’tpa je’m jaatun̈yaj
Je’m Biblia ichi’ibatyim wɨtampɨk an̈ki’mayo’oyiyaj je’m jaatun̈yaj iga iyooxpa’tyajiñ je’m imanɨktam. Ju’uts akwiñkejo’oyi, maayɨ’ yɨ’pyaj an̈kejayo’oyiyaj topneyajtawɨ’ɨp je’m Bibliajom.