Mayo 23 2023de mediko nokʼoraba jarasi warrara krĩcha ãrĩseabʉta internetʼba.

•   Internetʼba mejãcha kʼarebabʉmina warrarãra maʉ̃ daʉcha akʉpanʉ naʉ̃ internetba krĩcha ãrĩ wãta akʉza bedʼea zromata ũdubibʉta (Social Media and Youth Mental Health: The U.S. Surgeon Generalʼs Advisory [Las redes sociales y la salud mental de los jóvenes: Informe del director general de Salud Pública de Estados Unidos], 2023).

 Kʼãrẽa ãya jarapanʉ internet mejãcha zokʼaira kayiruata.

•   Warrara poaga 12deba 15 poagabayedabʉra ewariza 3 orabayeda ʉ̃ta akʉbʉra internetʼta, kayaseabʉ akʉza audre krĩcha zroma oseabʉ.

•   Warrara poaga 14bʉra internet mejãcha zokʼabʉraba ũdubisida bia kʼãĩ ẽãta, zʉbʉria berabaribʉta ãyi kʼarea ipidabʉ baera, ãyi kakua sãwũãbʉra bia akʉ ẽãta, adewara mejãcha sopʉabʉta wuabema warraraira. Naʉ̃ra audre berabaribʉ yuwẽrãne.

 ¿Kʼãrẽta oseabʉ yibarirabara yi wũãwũãra kʼarebaita? Daizeze Bedʼeabara ũrãgʼa biata diabʉ.

 Akʉbara mara wũãwũãra. Krĩchara kʼãrẽta berabariseabʉta bʉ wũãwũaba internet mejãcha zokʼabʉbʉrʉ. Mawũã ora kʼawuayi bʉ wũãwũã internet zokʼabiseabʉ kʼawuaita, mawũã ẽ bʉrʉ zokʼabi ẽ baita.

•   Daizeze Bedʼeaba jarabʉta: «Jaradiara bʉ wũãwũã saʉ̃ ode wãita» (Proverbios 22:6).

•   Bʉa audre kʼawuakĩrãbʉbʉrʉ akʉra artikulo «¿Deberían mis hijos usar redes sociales?»

 Bʉa iduaribibʉbʉrʉ bʉ wũãwũãba internet zokʼamarẽã biʼia akʉibara iya kʼãrẽta obʉta, mawũã iyita neida berabari ẽ marẽã. ¿Sãwũã oseabʉ maʉ̃ra?

 Nemitiata idu akʉbirãra. Jaradiara bʉ wũãwũã kʼãrẽba neida berabariseabʉta akʉza kʼãrẽta oseabʉta maʉ̃ne eda wã ẽ baita.

•   Daizeze Bedʼeaba jarabʉta: «Dayi kakua neida oita, nekʼãrẽ badu jaigʉabʉta mawũã ẽ bʉrʉ mejãcha nekʼãrẽ erbaita, maʉ̃ra ʉ̃rʉ marara bedʼea ẽ baibara mayirai [. . .] Yãrã so perabibʉta orãraidua, bedʼeata kʼawua ẽ jarãraidua akʉza ikayirua bedʼearaidua» (Efesios 5:3, 4).

•   Ũrãga biata ũduyi naʉ̃ artikulode «Enséñele a su hijo adolescente a usar con seguridad las redes sociales».

 Jarada sainʉ oseabʉta. Jarada bʉ wũãwũã sõbede zokʼaseabʉta internetʼra akʉza kʼãrẽ ũmadaʉbayeda.

•   Daizeze Bedʼeaba jarabʉta: «Jʉra kʼawua bʼaidua mara sãwũãbʉdeba, baraidua kʼawua ẽ bʉ kĩrãkʼa, awuarabʉrʉ bʼaidua ẽbẽra buru biaba obʉ kĩrãkʼa, ewari jʉrʉibara nebia oita» (Efesios 5:15, 16).

•   Bʉ wũãwũãʉmeba akʉra naʉ̃ bideota, jaradiaita kʼãrẽa bigata sainʉ oseabʉta. Internetʼta zokʼabʉbʉrʉ maʉ̃a yi edebirãra