VANGARARENI!
Gumwe gemepangero ogu ga hamena kweyi youhaku ka rondwere asi intaneta kuvhura kukara siponga kovanona—Yisinke azi uyunga ko Bibeli?
23 Kudumonkuru 2023, gumwe ogu a rugana mepangero gomoAmerika ogu ga hamena kweyi youhaku ka rondwere vantu asi intaneta kuna kukundama momudona vadinkantu wovanzi.
“Nampili ngomu intaneta za kara ngwa kovanona, nye simpe pwa kara maumbangi aga gana kulikida asi intaneta kukundama pomagazaro ntani noukalinawa wovanona.”—Social Media and Youth Mental Health: The U.S. Surgeon General’s Advisory, 2023.
Pwa kara maumbangi aga gana kulikida asi morwasinke natu karera nosinka.
Vanona wonomvhura 12 dogoro 15 “ava ava kara kointaneta kupitakana novili ntatu mezuva kuvakundama momudona pomagazaro, kuvhura kuvaninkisa va kare nouvera wokuguva-guva ntani nosinka.”
Movanona wonomvhura 14, “ava ava ruganesa unene intaneta kuligwanekera noudigu wokurara, kuvahepeka kointaneta, kapi ava hafere monkedi omu ava moneka, kulizuvha asi awo kwato mulyo ntani kulikida yidiviso youvera wokuguva-guva. Eyi kuhorokera unene vakadona kupitakana vamati.”
Ngapi omu vakondi nava vhura kupopera vana vawo kosiponga esi? Bibeli za gava ko magano.
Eyi nava rugana ko vakondi
Lihameka mo. Ngovakondi, mwa hepa kutara siponga esi sa kara mokuruganesa intaneta ntani nokutokora nsene muneni ta zi ruganesa ndi hawe.
Mpango zomoBibeli: “O ronge munona asi ngapi omu nga kara.”—Yisewe 22:6.
Mokudiva ko yoyinzi, resa sirongwa “Munange a ruganese intaneta ndi?”
Nsene no pulisira munoge a ruganese intaneta, takamesa komaudona aga ga kara po ntani tara eyi a rugana munoge kointaneta. Ngapi omu noyirugana?
Popera munoge koyininke yoyidona. Ronga munoge yipo a dimburure yininke yoyidona.
Mpango zomoBibeli: “Nokuzogera si kuhamena yininke yoruhonda nankenye tupu eyi yokunyata ndi yokuhamena komadowo gomadona, . . . ndi mu zogere yininke yonomuga ndi nonzogera dougova nonomuteu donondona.”—Vaefeso 5:3, 4.
Komagano gamwe, resa sirongwa “Kuronga vana woge omu nava ruganesa nawa intaneta.”
Mu tulira po noveta. Pasihonena, mu tulira po noveta kuhamena ruveze nosiruwo sokuhura kupi na ruganesa intaneta.
Mpango zomoBibeli: “Kareni ngwendi vanandunge. Ruganeseni nawa siruwo seni.”—Vaefeso 5:15, 16.
Ruganesa vidiyo Takamesa pokuruganesa Intaneta yipo o vatere munoge ayi kwate egano asi morwasinke ono kutulira po noveta.
Kuvhura o hafere hena
KUTUHAMENA
Tura mo ehundiro
Gwana elimbururo kepuro lyomoBibeli ndi lironga ko yoyinzi kuhamena Nombangi daJehova.
