Mu tilumbu tia 23 mai 2023, mfumu yikipaka tikolela tia bantu babansoni ku États-Unis yalwengese bantu ti réseaux sociaux ntwenia zazingi zita bebesa.

•   “Misamu miamingi misongelaka ti réseaux sociaux ndandu zinataka kwe bala ba fioti na kwe bantwenia, kâ mpe tikolela tia ntwenia zazingi na mbêlo’awu zita bebesa.”—Social Media and Youth Mental Health: The U.S. Surgeon General’s Advisory, 2023.

 Rapore yo, misamu yizonzele mita tu tuma mu bâ na lwaka.

•   Ntwenia za mvula tûka 12 tii 15 “ziyôkesaka heure 3 mu tilumbu mu réseaux sociaux bweso bwabwingi bwe nawu, yôka bakaka, mu baka timbevo tia mutu, ntiana mfwemoso na maniongo ma ngolo.”

•   Ntwenia za mvula 14 “zivulu sarilaka réseaux sociaux tolo twa mbi tu bâka nawu, ka bazoloko’â nitu zawu ko, ka babâka na mabanza ma mbote ko mu bawu beni mpe mfwemoso za ngolo zi bâka nawu, mpe nkwamusu zazingi babwabanaka na zo mu Internet. Musamu wo bakento wuta tomo tarila.”

 Bwe bibuti bilendi kengerela bala bawu mu mpasi zo? Bibila malongi ma balendi sarila dihanaka.

 Koteno misamu. Bu lwe bibuti, taluzuleno mpasi mpe soleno tala ti mwana’eno wufweti sarila réseaux sociaux peleko kâni.

•   Mutieno wa Bibila: “Longesa mwana mu nzila yi kafweti kwenda.”—Bingana 22:6, note.

•   Mu zaba nsangu zakaka, tanga mutu-diambu wa “Ngano mwana’ani wufweti sarila résaux sociaux?”

 Tala ti ka wahana nzila kwe mwana’aku ko mu sarila résaux sociaux, tomo saka keba mu mpasi zilendi tûla mpe dinga mu zabaka misamu mi yirikaka mwana’aku mu Internet. Ngano bwe?

 Kengerela mwana’aku mu misamu mia mbi. Longesa mwana’aku mu zaba na mu dioka misamu mia mbi.

•   Mutieno wa Bibila: “Bika ndiatulu ni ndiatulu ya bunsuza na mvindu ya mpila zazansoni, peleko nsatu ya yôka, ka bazonzelandi bio kwe beno, [. . .] kani ndiatulu ya nsoni, kani nzonzolo ya buzoba, kani nzonzolo ya nsoni yisehesaka.”—Bisi-Efeze 5:3, 4.

•   Mu baka malongi ma lusarila, tangeno mutu-diambu wa “Longesa mpasi zi nataka réseaux sociaux kwe mwana’aku.”

 Kubika ndilu. Mu tifwani, tûla misiku mia ntangu yi bafweti kwendaka na yi bafweti yôkesaka mu réseaux sociaux.

•   Mutieno wa Bibila: “Seno mayela [mu kwe] diatiri [. . .] ntiana bantu bê na ndwenga, sarilakeno ntangu’eno mu mpila yiyôkele bubote.”—Bisi-Efeze 5:15, 16.

•   Sarila binsinsia bininganaka mu mutu-diambu wa Bâ na mayela mu nsalulu ya réseaux sociaux mu bakisa mwana’aku mu bakula mu bungu dia nti bafweti kubika ndilu.