Lo 23 Mé 2023, in gran rèsponsab la santé Zéta Zuni la prévni domoun ké bann rézo sosial néna in mové léfé su bann jèn.

•   « Mèm si bann rézo sosial néna in lavantaj pou désèrtin, kisoi bann marmay ou bann jèn, néna d’prèv k’i mont, ké sa i pé anpèch azot èt bien dan zot tèt ou dan zot kor. » — Social Media and Youth Mental Health: The U.S. Surgeon General’s Advisory, 2023.

 Bann konséyèr i baz azot su bann zétud ké la été fé, pou mont anou k’i fo nou inkièt.

•   Bann jèn ant 12 é 15 an, « ké té pas plis 3 zèr d’tan par jour su bann rézo sosial, navé dé foi plis chans èt malad dan la tèt, surtou tonb dann dépitasion é dann détrès. »

•   An parmi bann jèn 14 an, « sak i sava su bann rézo sosial, zot i dor mal, domoun i fé mizèr azot su lintèrnét, zot i trouv azot vilin, zot i èm pa zot é zot néna plis chans tonb dann dépitasion, surtou bann fi. »

 Koman bann paran i pé fé pou anpar zot zanfan kont bann danjé la ? La Bib i done bann bon konsèy.

 Fé vréman in kont èk sa. Kom sé zot lo papa momon, i fo zot i tien kont lo bann danjé, pou oir si zot i lès zot marmay alé su bann rézo sosial ou pa.

•   Kosa la Bib i di : «  Amont lo garson kèl chemin i fo li pran. » (Provèrb 22:6).

•   Pou aprann plis, lir « Mon enfant devrait-il utiliser les réseaux sociaux ? »

 Si ou désid lès out marmay alé su rézo sosial, i fo ou agard bien koman li ansèrv sa é ou fé bien atansion bann danjé i gèt ali. Koman ou pé fé sa ?

 Protèj out zanfan kont bann zafèr danjéré su lintèrnét. Aprann azot rokonèt bann zafèr danjéré é évit azot.

•   Kosa la Bib i di : « Tout bann péché sèksuèl, tout bann zafèr ké lé sal, lanvi pou gingn toujour plis, i fo mèm pa koz ladsi ant zot, . . . mèm pa in fason fé k’i fé ont, ni bann parol bèt, ni bann kozman insolan. » (Éfézien 5:3, 4).

•   Pou trouv détroi tiktak, lir « Protégez votre adolescent des dangers des réseaux sociaux. »

 Mèt détroi baraj. Par égzanp, désid kansa é konbien d’tan out zanfan i pé alé su rézo sosial.

•   Kosa la Bib i di : « Donk tansion pangar zot néna in fason d’viv kom domoun na poin dutou la sajès. . . kom domoun ké lé saj, utiliz out tan lo méyèr fason posib. » (Éfézien 5:15, 16)

•   Ansèrv lo désin animé su tablo Fé atansion kan ou ansèrv rézo sosial pou èd out zanfan konpran poukosa i fo bann baraj.