OVWAN RA RHẸRẸ!
Ihwo rẹ Igọmẹti ri Kpenu Vwẹ Orhọesio Phia Kpahẹn Imuoshọ ri Sosha Midia Sua kẹ Ighene—Die Yen Baibol na Tare
Vwẹ May 23, 2023, ihwo rẹ igọmẹti ri kpenu vwẹ United States de si ihwo orhọ nẹ sosha midia djobọte ighene buebun vwẹ idjerhe rẹ ọchọchọ.
“Dede nẹ sosha midia se fierere vwọ kẹ ighene vẹ emọ evo, jẹ o vwo erọnvwon ri djerephia nẹ sosha midia sa so imuoshọ buebun ri se djobọte iroro rẹ emọ vẹ ighene kugbe omakpokpọ rayen.”—Social Media and Youth Mental Health: The U.S. Surgeon General’s Advisory, 2023.
Vwẹ ota na, a rionbọ vwo kpo ehiahiẹ sansan ri dje oboresorọ ro vwo fo nẹ esẹ vẹ ini dje ọdavwẹ phia.
Ighene rehẹ ẹgbukpe ihwivẹ fi ihwiorin “rẹ ghwọrọ vrẹ inọke erha ẹdọke vwẹ sosha midia, yin me hirharokuẹ ebẹnbẹn ri djobọte iroro rayẹn, ọnana ji churobọ si ofudjevwe ọgangan vẹ ẹnwan.”
Ọke buebun na, ighene rehẹ ẹgbukpe ihwẹne “rẹ reyọ sosha midia vwọ ruiruo riẹn vwerhẹ-ẹn, e shenyẹ ayen vwẹ intanẹti, ayen nẹ oma rayen kueku ji hirharokuẹ ofudjevwe ọgangan. Ọnana phia vwọ kẹ emetẹ vrẹ emeshare.”
Mavọ yẹn esẹ vẹ ini sa vwọ sẹro rẹ emọ rayen vrabọ rẹ imuoshọ nana? Baibol na vwẹ uchebro rẹ aghwanre vwọphia.
Oborẹ esẹ vẹ ini se ru
Nenesi obo re phia vwẹ akpeyeren rẹ ọmọ wẹn. Kerẹ ọsẹ vẹ oni, roro kpahen imuoshọ rehẹ sosha midia, wo ji brorhiẹn sẹ ọmọ wẹn che vwo ruiruo yẹrẹ o che vwọ ruiruo-o.
Odjekẹ ri Baibọl: “Yono ọmọ phihọ idjerhe ro che nene.”—Isẹ 22:6.
Wo vwo yono kpobarophiyọ, se uyovwinrota na, “Ofori nẹ Ọmọ Mẹ Reyọ Sosha Midia Vwo Ruiruo?”
Wọ da vwẹ uphẹn kẹ ọmọ wẹn nẹ ọ vwẹ sosha midia vwo ruiruo, gbe jọ dianẹ wọ riẹn imuoshọ rehẹ evun rọyen, wo ji nenesi obo rọ reyọ sosha midia vwo ruiruo wan. Mavọ?
Sẹro rẹ ọmọ wẹn vwọ nẹ abọ rẹ ekuakua rẹ sa so omaẹwan kẹ. Yonọ ọmọ wẹn obo rọ sa vwọ riẹn je kẹnoma kẹ ekuakua re sa so omaẹwan vwọ kẹ vwẹ intanẹti.
Odjekẹ ri Baibol: “E jẹ a tobọ djunute ọfanrhiẹn kugbe koka koka ri jẹfuọn yẹrẹ urhuru vwẹ ohri rẹ ovwa-an, . . . yẹrẹ iruemu re sua omaẹvuọ yẹrẹ eta rẹ ẹkpa yẹrẹ erharhe rẹ ehwẹjẹ.”—Ẹfesọs 5:3, 4.
Vwọ kẹ iroroẹjẹ aghwanre efa, se uyovwinrota na, “Idjerhe ro Fori nẹ A Reyọ Sosha Midia Vwo Ruiruo Wan.”
Gbere ughwru. Kerẹ udje, vwẹ irhi vwọ mu kpahen ọke rẹ ọmọ wẹn cha vwọ reyọ sosha midia vwo ruiruo vẹ uchọke ro che vwo ruiruo te.
Odjekẹ ri Baibol: “Ovwan nabọ nomaso kpahen oborẹ ovwan yan, . . . kerẹ evwaghwanre, ovwan rha vwẹ ọke rẹ ovwan vwo ruiruo vwẹ idjerhe ro me yovwin.”—Ẹfesọs 5:15, 16.
Reyọ ikatunu re siẹ phiyọ ophapha ro vwo uyovwinrota na, Vwẹ Aghwanre Vwọ Reyọ Sosha Nẹtwọk Vwo Ruiruo, vwọ cha ọmọ wẹn uko vwo vwo ẹruọ rẹ oboresorọ rọ vwọ fo nẹ e gbere ughwru phiyọ sosha midia.
Wọ je sa Fuẹrẹn
ORỌNVWE VẸ ORUA
Ofori nẹ Ọmọ Mẹ Vwo Ifonu rọ Brazu?
Nọ enọ nana wo se vwo brorhiẹn sẹ wẹ vẹ ọmọ wẹn muegbe vwọ kẹ oghwa na re.
Oborẹ Edje Wẹn Tare
Oborẹ Edje Wẹn Tare Kpahen Ifonu
Ifonu yovwin vrẹ itẹlẹfonu dibi dibi. O vwo GPS, wọ sa reyọ vwọ sẹndi imeli, si evuẹ, ji ru erọnvwọn efa. Kerhọ rẹ ighene kerẹ owẹ re ta ota kpahen erhuvwu vẹ umiovwo rẹ ifonu sa ghwa cha.
Enọ rẹ Ighene Nọ
E Vwo Vwo Igbeyan Buebun Vwẹ Intanẹti Ghanre?
Ihwo evo phi arhọ rayen phiyọ ẹdia rẹ imuoshọ rere ayen se vwo vwo ihwo buebun ri che nene ayen vẹ i ri che vwo ẹguọnọ oborẹ ayen phi phiyọ intanẹti. E vwo titi vwẹ intanẹti ghanre?
Enọ rẹ Ighene Nọ
Mavọ Yen Sosha Midia Djobọte Vwe Wan?
Sosha midia mu ohwo obọ tẹdia ọ me rhe dia ẹkuruemu. Iroroẹjẹ nana sa chọn wẹ uko vwo sun oma wẹn.
KPAHEN AVWANRE
Nokpẹn rẹ Uyono ri Baibol
Ovwan ta ota kpahen onọ ri Baibol ọvo, yẹrẹ riẹn emu efa kpahen Iseri ri Jihova.
