Baabuiyo dimi maa chɔu cho wa Mɛlɛka tɛɛŋ nda Masɛi Waŋchieeya chieeŋndo balɔɔ silɔ wo Amakɛdɔŋ cho ni. Kɛ o cho chɔu cho wa o fondaŋ pilɛ le.

•   ‘Nyinaa wɔɔŋnda o sondo yooŋgulaŋ ndaŋ la fula ni, nduyɛ mi masaa o chieeŋndo choo kpou . . . chuuŋgiaŋ le chɔu nɔ le yɔŋnɔŋndo o paale Mɛlɛka Kpaaya Kpou Kpou Wo choo wo. . . . Okoŋ, ma chuuŋgiaa nda o fondaŋ nda veelu o Hibuluiye niŋ aa Amakɛdɔŋ ndo.’—Sɔɔŋ Chɔɔmaŋndoŋ 16:​14, 16.

 Diomndo hoo “Amakɛdɔŋ” o diom maHibuluiyo hoo Ha Meghid·dohnʹ niŋ o fuula ni, ndu sim ni “Pembei Mɛkidɔɔ.” Mɛkidɔɔ wa chiee bɛndoo opilɛ o tanda Isɔluɛiya niŋ. Le saboo hoo waŋnda apum yiyaŋ ni maa o Isɔluɛi niŋ kinɛi chɔu Amakɛdɔŋ cho wa ni. Kɛ o kpeekpei niŋ tanda Mɛkidɔɔ wo vɛlɛ a tanda o tanda cho Eesiaa Ba Paaleŋ le dello ve letuu le mi “masaa o chieeŋndo choo kpou” chuuŋgiaŋ a puaa ndaa chɔuwa le.

 A “yilaŋndoŋ” ɔɔ nyɛ sim le wundu wo yau sɔɔŋ Chɔɔmaŋndoŋ cho ni. (Sɔɔŋ Chɔɔmaŋndoŋ 1:​1) Amakɛdɔŋ hiŋ niŋ le fondaŋ pilɛ le, kɛ le chieeŋndo kpou kanifuule, teleŋ mɛɛlaa cho wa hoo ni le mi waŋchieeya simul Masale Mɛlɛkaleŋ.—Sɔɔŋ Chɔɔmaŋndoŋ 19:​11-16, 19-21.