TJENYATOKON KUIYOAA
A yaa naxinandá Israel koaitsʼia Armagedón | Jótso je Biblia
Ya Biblia kʼoatso nga je Armagedón ali tsa tojngojin naxinandá jñani kʼoakoa̱n. Kui tsoya nga jngo kjoajchán xi kʼoejna Niná kao ngatsʼi chjotaxá.
“Kui ntjao̱ xi tsʼe na̱i xi ndajin [...] nga fi kʼéxkóya chjotatítjon xi tsʼe ngakijnda sonʼnde xi tʼatsʼe kjoajchán kʼia nichxinje xi tsʼe Niná xi batéxoma ngayije. Tsakʼéxkó ya ʼnde xi kʼoaʼmi Armagedón nga én hebreo” (Apocalipsis 16:14, 16).
Je én xi “Armagedón” tso yaa kitjoéni nga én hebreo xi Har Meghiddón tso kʼoa “Nindo xi tsʼe Meguidó” sʼin tsoyanile. Yaa naxinandá Israel kisʼejna nichxin kjoatse ʼnde xi Meguidó tsakʼin, kuinga tjín kʼani chjota xi kʼoasʼin síkjaʼaitsjen nga ya naxinandá Israel sʼe̱jna Armagedón. Tonga ya jñani Meguidó tsakʼin ngasʼa kʼoa ya ndaile alikui tseʼnde, kʼoa alikui jchóya ngatsʼi “chjotatítjon xi tsʼe ngakijnda sonʼnde” kao chjotakjoajchánle kao ki̱cha̱ xi síchjén.
Jmeni xi tso libro xi tsʼe Apocalipsis totjín xi tsoyanile (Apocalipsis 1:1). Ali tsa tojngo ʼndejin jñani sʼe̱jna je Armagedón, sʼe̱jna jngo tjíjtsa Sonʼnde. Kui tínchja̱ni je kjoajchán xi kʼoejna Niná kao ngatsʼi naxinandá (Apocalipsis 19:11-16, 19-21).
Tsa kʼoati meli jchai xi tʼatsʼe jebi
XI MACHJÉN NGA JCHAA
Ánni nga títsjoáʼndesíni Niná nga kjoañʼai tjín
Nkjín chjota xi kui kjonangi ánni nga kʼoasikji kjoatsʼen kao kjoañʼai tjínsíni i̱ Sonʼnde. Je Biblia kʼoatso nga tjínná jngo kjoachoya.
XI MACHJÉN NGA JCHAA
Jmé xá kisindani Niná je Sonʼnde
Nʼio naskásʼin tsakʼénda Niná je Sonʼnde. Ni kjin kʼoa ni chrianjinla kisikʼéjna je Tsʼuí, kʼoa tochoa̱le kjoan kji tíbʼatji. Jmé xá kisindani Niná je Sonʼnde.
XI TʼATSAINJIN
Tijái nga kataʼmiyali Biblia
Kataʼyai jme xi tsoya Biblia kʼoa tsa tʼatsʼe testigole Jeobá.
