Mbimbiliya kaya handekele nguayo, Alemangendo i ka solokela ku cihela cimo lika, houe, vunoni i ka pua ndzita ya mavu ose. Kaha ndzita yaco i ka pua ya Njambi na vinguvulu via ha mavu.

•   “Vikevio vimbembesi via vandemone . . . vikevio vi ya ku vamiangana va mavu ose, mu ku va kungulula ku ndzita ya litangua lia kama lia Njambi, Mukua ngolo yose. . . . va va kungulula ku muhela uze u va tumbula ku Hevelu Alemangendo.”—Ku-Solola 16:14, 16.

 Lizi “Alemangendo” lia tunda ku ciHevelu, Har Meghiddóhn kaha lia lomboloka “Muncinda ua Mengindo.” Mengindo ya puile mbonge ya mu Isaleli ya ku laza. Ngeci mukemuo, vantu vamo ve ku singanieka nguavo Alemangendo i ka hitila ku Isaleli. Vunoni ambe ku cihela ku ya kele Mengindo ni vene cihela cose oco ca lihatele naco, ka ya puile ya kama linga ku hitileko Alemangedo va ka kunguluilemo “vamiangana va mavu ose” na vivunga via masualale vavo.

 Livulu lia ku Ku-Solola, va li sonekele mu cifua ca ‘cimueso’ ni nguetu ka va i sonekele mu cifua ca ku ivuisisa ngue muze mu va na i handekela. (Ku-Solola 1:1) Ngeci mukemuo, Alemangendo ka ya puile cihela mpundu, vunoni yemanena cifua ci va ka likunguluilamo “vamiangana va mavu ose” mu ku luisa nguvulu ya Yehova. —Ku-Solola 19:11-16, 19-21.