Te Biblia maba ya yal te ay banti ya xjajch te Armagedón ta jun lugar, melel ya yal te jaʼ jun guerra yuʼun Dios sok spisil te ajwaliletik ta swolol Balumilal.

•   «Jaʼ aʼiyejetik te talem ta stojol te pukujetik [...] ya xbajtik ta stojol te ajwaliletik te ayik ta swolol balumilal yuʼun ya yichʼik tsobel ta guerra ta smukʼul kʼajkʼalel te Diose, te Machʼa spisil ya xjuʼ yuʼune [...]. La yichʼik tsobel te ajwaliletik ta jun lugar te Armagedón sbiil ta hebreo» (Apocalipsis 16:14, 16).

 Te kʼopil Armagedón talem ta kʼopil hebreo Har Meghiddóhn, te ya skʼan ya yal: «Wits ta Meguidó». Te Meguidó jaʼ jun mukʼul lum te ay ta Israel, jaʼ yuʼun ay machʼatik ya snopojik te tey ya xjajch-a te Armagedón ta Israel. Jaʼukmeto, ni jaʼuk te Meguidó ni yan lugar te ay ta oeste yuʼun te Asia maba kʼax mukʼ yuʼun tey ya xjuʼ ya stsob sbaik-a te «ajwaliletik te ayik ta swolol balumilal» sok te soldadoetik yuʼunike.

 Te libro yuʼun Apocalipsis la yichʼ tsʼibayel ta swenta «señailetik» (Apocalipsis 1:1). Te Armagedón ma jaʼuk jun lugar, jaʼ te bin ya spasik ta swolol balumilal te ya stsob sbaik ta jujun nación ta yakʼbeyel guerra te Wentainel yuʼun Dios (Apocalipsis 19:11-16, 19-21).