Nin ca gobiernu ni nuu lu guidxilayú ne ninca organización qué ganda gacanecaʼ para chuʼ paz. Dede tiempu guca Segunda Guerra Mundial que la? yanna riʼ nga tiempu ra jma cadinde binni. Biaʼ chupa millón de binni ni nuu lu guidubi naca Guidxilayú riʼ nabézacaʼ ra cadinde binni.

 ¿Xiñee qué ganda guni binni xiixa para chuʼ paz pue? ¿Xi caníʼ Biblia de laani?

1.  1. Biblia rabi laanu ca dxi stinu riʼ «zuyubi binni puru si para laa, zannaxhiicaʼ bueltu, zácacaʼ presumidu ne orgulloso, [...] zucheenecaʼ binni. [...] Qué zanacaʼ chuʼcaʼ de acuerdu, [...] qué zucueezacaʼ laacaʼ, zácacaʼ naduxhuʼ [...] ne zácacaʼ tercu, zácacaʼ orgulloso». Cumu zacá nga binni yanna la? nga runi qué ganda chuʼ paz (2 Timoteo 3:2-4).

2.  2. Neca chuʼ binni tobi si o stubi si ti binni la? qué zanda di guni chaahuicabe ca guendanagana stiʼ sti binni pa qué gacané Jehová a laacabe. Biblia rusiidiʼ «cadi lu náʼ diʼ binni nuu neza stiʼ. Cadi lu náʼ diʼ binni nuu guni mandar ra guzuhuaa ñee» (Jeremías 10:23).

3.  3. Naaze ti binni malu Guidxilayú riʼ ne guizáʼ nápabe stale poder purtiʼ caguítebe «guiráʼ binni guidxilayú». Laabe nga Binidxabaʼ ne laaca runibiáʼcabe laabe casi Maligno. Cumu nuuruʼ «guidubi guidxilayú riʼ nuuni lu náʼ Binidxabaʼ» la? zadínderuʼ binni ne ziuu stale guerra (Apocalipsis 12:9; 1 Juan 5:19).

 Biblia rabi laanu Dios nga zaguu paz ne cadi binni guidxilayú.

•   «Purtiʼ nannaʼ dxicheʼ xi caníʼ iqueʼ guneʼ para laatu —ná Jehová—. Racalaʼdxeʼ gápatu paz, cadi gacanatu. Racalaʼdxeʼ gudieeʼ laatu ti futuro ne ti esperanza» (Jeremías 29:11).

 ¿Ximodo zuni cumplir Dios promesa ca yaʼ? Lu Biblia ná zuxhaatañee Dios ni riguu paz Binidxabaʼ (Romanos 16:20). Zaquiiñeʼ Dios ti gobiernu ni nuu guibáʼ para cuʼ paz lu Guidxilayú. Biblia rabi laanu laani nga «Reinu stiʼ Dios», ne rey stini nga Jesucristu (Lucas 4:43). Ora maʼ guni mandar Jesús lu guidubi Guidxilayú, guiráʼ binni zaziidiʼ guibani sin tindeʼ (Isaías 9:6, 7).

•   Pa racaláʼdxiluʼ gánnaluʼ jma, biindaʼ artículo ni láʼ «¿Qué cosas logrará el Reino de Dios?».