“Wayn tawaqonakajj llakimpi ukat jan wali amuyunakampejj qʼal aynachtʼasipki, ¿kunatsa ukhamäpjje? Redes sociales ukanakaw jupanakarojj qʼal aynachtʼayaski” (Vivek Murthy, director general de Salud Pública de Estados Unidos. New York Times, 17 de junio de 2024).

 Redes sociales ukanak jan sum apnaqañajja, jan walinakaruw purtʼasiyistaspa, ¿kunjamsa awk taykanakajj uka jan walinakat wawanakapar jarkʼaqapjjaspa? Bibliajj walja suma ewjjtʼanakaniwa.

 Bibliajj akham siwa:

 “Amuytʼasir jaqejja kunsa lurani uk sum amuytʼasi” (Proverbios 14:15).

 Jan sum apnaqatajja, redes sociales ukanakajj jan walinakaruw wawanakamar purtʼasiyaspa, ukhamajj redes sociales ukanakanïpjjaniti janicha ukjja jumanakaw awk taykjamajj amtapjjañama. Janïr uk amtasajja, akham jisktʼasipjjam: “¿Wawanakajajj qhawqha horanakas redes sociales ukanak uñapjjani uk yatipjjeti, uka horario respetapjjarakispati? ¿Redes sociales ukanakan utjir jan wali amigonakat amuyasipjjaspati? Redes sociales ukanakan awisajj jan walinakaw uñsti, ¿wawanakajajj ukanakat amuyasipjjaspati?” sasa.

•   Jukʼamp yatiñatakejja, akanakwa liytʼasma: “¿Deberían mis hijos usar redes sociales?”, “Enséñele a su hijo adolescente a usar con seguridad las redes sociales”.

 “Tiempjja jan ina chʼusar aptʼapjjamti” (Efesios 5:16).

 Wawanakamatï redes sociales ukanak apnaqapjjani ukhajja, kunjam apnaqapjjañapas wakisi, ukham apnaqañajj kunjamsa jupanakar jarkʼaqe uk sumwa qhanañchapjjañama. Wawanakamajj kunjamäsipkisa ukjja amuyapjjapuniñamawa, ukhamatwa redes sociales ukanak apnaqasipkakispati janicha uk yatipjjäta.

•   Redes sociales ukanak kunatsa sum apnaqañ yatipjjañapa uk wawanakamar amuytʼayañatakejja, Redes sociales ukanak wali amuyumpiw apnaqañama sat video uñtapjjasma, ukajj “Dibujonakampi yatichañatak pizarra” sat videonak taypinkiwa.

 Bibliarjamajja, ‘chʼama tukuña jan wali tiemponakanwa’ jaktanjja (2 Timoteo 3:1-5). Ukampis Biblian ewjjtʼanakapaw jichhürunakan utjki uka jan walinakar saykatañatakejj yanaptʼistaspa. Kuna jan wali amuyunakas wayn tawaqonakar aynachtʼayaski uka toqetwa mä yatichäwejj parli, ukanjja Bibliarjam qellqata 20 jila yatichäwinakampi videonakampiw mä listan utji, ukanakajj awk taykanakaru wawanakaparu yanaptʼañatakiw qellqasiwayi.