Dakta Vivek Murthy, wahn medikal serjan fahn di United States seh: “Yong peepl di sofa moa mental helt prablemz dan eva bifoa ahn soashal meedya da di mayn reezn fi blaym fi dat.”—New York Times, Joon 17, 2024.

 Weh payrents ku du fi protek dehn pikni fahn di daynjaz weh kohn fahn soashal meedya? Di Baibl gat een sohn gud advais.

 Tink bowt dehnya Baibl prinsiplz.

 “Wahn waiz persn tink gud bifoa ih du sohnting.”—Praverbz 14:15.

 Bikaaz soashal meedya ku bee sohnting daynjaros, noh feel laik yu haftu mek yu pikni yooz it. Bifoa yu alow yu pikni fi yooz soashal meedya, mek shoar dat ih oal inof fi rispek di amonk a taim weh yu giv ahn, dat ih noa how fi avoid bad kompni, ahn dat ih noa weh kaina ting ih shudn wach pahn soashal meedya.

•   Fi moa infamayshan, reed di aatikl dehn weh naym “Should My Child Use Social Media?” ahn “Teaching Your Teenager Social Media Safety.”

 “Mek di bes yoos a [yu] taim.”—Ifeezhanz 5:16.

 If yu doo alow yu pikni fi yooz soashal meedya, set roolz bowt how ih ku yooz it, an eksplayn tu ahn how dehn tingz protek ahn. Luk owt fi eniting weh yu si difrent eena yu pikni weh mait di tel yu dat ih need fi kot dong pahn humoch taim ih spen pahn soashal meedya.

•   Yooz di waitboad animayshan weh naym Bee Smaat Wid How Yu Yooz Soashal Meedya fi help yu pikni andastan wai ih impoatant fi set limits ahn noa how fi yooz it.

 Di Baibl seh dat di taim wi di liv eena “daynjaros ahn laif wahn bee haad.” (2 Timoti 3:1-5) Bot ih aalso gi wi gud advais fi help wi deel wid wi prablemz. Eena dis aatikl bowt mental helt prablemz weh yong peepl fays, yu ku fain wahn lis a moa dan 20 ada aatikl ahn veedyoz weh foakos pahn mental helt. Dehnya aatikl dizain fi help payrents ahn dehn pikni.