DAUBA BʼAIDUA
¿Internet akʉbʉba mara wũãwũãra neida berabariseabʉka? ¿Daizeze Bedʼeabara sãwũã kʼarebaseabʉ yibarirãra?
«Warrara krĩchara ãrĩ wãna, maʉ̃ kʼãrẽa mesera kʼarebadaibara. Maʉ̃ bedʼea zromara ũdupanʉ ewari bio berabaribʉ baera internetʼne akʉbʉta» (Dr. Vivek Murthy, U.S. Cirujano general, New York Times, Junio 17, 2024).
¿Kʼãrẽta oseabʉ yibarirabara yi wũãwũãra kʼarebaita? Daizeze Bedʼeabara ũrãgʼa biata diabʉ.
Yibariraba oseabʉta
Akʉra naʉ̃ra testo Daizeze Bedʼeadebemata.
«Mamina yi buru biabara nãã bia akʉbʉ iyi wãmae» Proverbios 14:15.
Bʉra wũãwũã barabʉ baera nãã bia krĩchaibara bʉ wũãwũãba internet zokaseabʉ kʼawuaita, adewara wuabema warraraba zokʼabʉ kʼarea bʉ wũãwũãbida iduaribi ẽ baibara internet zokʼamarẽã. Bʉa nãã akʉibara bʉ wũãwũãraba bia zokʼaseabʉ kʼawuaita internetʼra, bari jaraita naʉ̃ta widiseabʉ: ¿ãyara kʼawuabʉka kʼãrẽ ũmadauaba bayeda baseabʉta internetʼne? ¿Ãyara bia jida kʼawuabʉka neũdukʼawuarãra internetʼneba? ¿Internetʼneba nemitiata ʉ̃tʉ deguewabʉrʉ ãyara ãĩ bʉeseabʉka?
Bʉa audre kʼawuakĩrãbʉbʉrʉ akʉra artikulo“«¿Deberían mis hijos usar redes sociales?» akʉza «Enséñele a su hijo adolescente a usar con seguridad las redes sociales».
«Ewari jʉrʉibara nebia oita» (Efesios 5:16).
Bʉa iduaribira bʉ wũãwũãba internetʼta eda akʉmarẽã jarada kʼãrẽta oibarata akʉza kʼãrẽta oẽ baibarata. Adewara jarada mawũã oita, iyita neida berabari ẽ bamarẽã. Bʉa ũdura bʉ wũãwũãta iyi nãã badaira awuara nʉminata bia krĩchara iduaribi kʼawuaita mawũã ẽ bʉrʉ iduaribi ẽãta.
Bʉ wũãwũãʉ̃meba akʉra naʉ̃ bideota, jaradiaita kʼãrẽa bigata sainʉ oseabʉta Internetʼta zokʼabʉbʉrʉ maʉ̃a yi edebirãra.
Audre kʼawuaita
Daizeze Bedʼeaba jarabʉ «ewari jõbodoarera ũdu wãnañi bedʼea zroma daya obe ẽãta» (2 Timoteo. 3:1-5). Mamina Daizeze Bedʼeabara dayirã jaradiabʉ ũrãgʼa biata, maʉ̃ba mejãcha kʼarebaseabʉ bedʼea zroma erpanʉmina. Audre ũrãgʼa biata kʼawuakĩrãbʉbʉrʉ akʉra dai pagina internetʼne Jovenes salud mental.