“Twakabona kuti social media ilikupa kuti bachikula biingi bakkale kabataazikane.”—Dr. VivekMurthy, U.S. surgeon general, New York Times, June 17, 2024.

 Bazyali nga balabagwasya biyeni bana babo kuti balikwabilile kumapenzi ayetwa aa-social media? Bbayibbili lili aamalayilile aagwasya.

 Amulange-lange malayilile aaya aamuBbayibbili.

 “Uucenjede ulakkala ansi kuyeeya ntaamu zyakwe.”—Tusimpi 14:15.

 Mbukunga social media ilakonzya kupa kuti mwanaako anjile mumapenzi, toyelede kumuzumizya kuti ayibelesye pe. Kutanazumizya mwanaako kuti abelesye social media, weelede kuba aachoonzyo chakuti wakomena zyakuti ulakonzya kuziba mpagolela, kusala beenzinyina balikabotu akutayebela zintu zitali kabotu naakuti kuziba chiindi nchayelede kumaninsya kali aa-social media.

•   Kuti uyiye zyiingi bala chiiyo chiti “Sena Mwanaangu Uleelede Kubelesya Social Media?” achiti “Kuyiisya Mwanaanu Mbwakonzya Kwiibelesya Kabotu Social Media.”

 “Kamuchibelesya kabotu chiindi chanu.”—Ba-efeso 5:16.

 Kuti wazumizya mwanaako kuti abelesye social media, uyelede kumubikkila milawu iili atala ambayelede kwiibelesya alubo umubuzye kuti nkamboonzi kuchita oobo nikupa kuti akkale kakwabililidwe. Alubo langisisya kuchincha nkwalikuchita mwanaako, eezi zilakonzya kukugwasya kuti ubone kuti, mwanaako weelede kuchesya chiindi nchabelesya social media naakuti kuleka biya kuyibelesya.

•   Belesya kavidiyo kazifanikisyo zyakudilowa katii Abelesye Kabotu maSocial-Network kuti ugwasye mwanaako abone kuti nkamboonzi nikuyandikana kuziba mputweelede kugolela chiindi nitubelesya social media.

 Bbayibbili lyaamba kuti tulikupona muziindi “ziyumu, zikataazya kupona mulinzizyo.” (2 Timoti 3:1-5) Alubo litupa malayilile aakonzya kutugwasya kuti tulisimye. Zyiiyo zyiinda ku 20 zyakabambilwa bazyali abana babo zilakonzya kujanika muchiiyo eechi zili atala abachikula bachiswa bulwazi bwaboongo.