Журнал «Хъахъхъӕнӕн мӕсыджы» тиражимӕ зӕххыл иу журналы тираж дӕр абарӕн нӕй. Алы номыры тираж дӕр у 42 милуан экземплярӕй фылдӕр. Дыккаг бынат ахсы журнал «Райхъал ут!», уымӕн та йӕ тираж у 41 милуан экземпляры. Дыууӕ журналы дӕр мыхуыры уадзынц Йегъовӕйы Ӕвдисӕнтӕ ӕмӕ сӕ парахат кӕнынц 236 бӕстӕйӕ фылдӕры.

Цы ис зӕгъӕн ӕндӕр публикацитӕй та? Америкӕйы журналтӕ уадзӕг Ассоциацийы бӕрӕггӕнӕнтӕм гӕсгӕ, АИШ-ы кӕй уӕй кӕнынц, уыцы журналты ’хсӕн фыццаг бынат ахсы Америкӕйы пенсионерты ассоциацийы журнал (ААРП), фӕкӕсынц ӕй, 50 азӕй фылдӕр кӕуыл цӕуы, ахӕм адӕм. Йӕ тираж у 22,4 милуанӕй фылдӕр. Немыцаг журнал «АДАЦ Моторвельт»-ӕн та йӕ рӕстӕмбис тираж у 14 милуанмӕ ’ввахс, китайаг журнал «Гуши хуэй»-йӕн (хабӕрттӕ) та йӕ тираж у 5,4 милуан экземпляры.

Газетты тыххӕй дзургӕйӕ та тиражмӕ гӕсгӕ фыццаг бынат ахсы япойнаг газет «Иомиури». Йӕ тираж алы хатт дӕр вӕййы 10 милуан экземплярӕй фылдӕр.

Йегъовӕйы Ӕвдисӕнтӕ сӕ публикацитӕ цал ӕвзагмӕ тӕлмац кӕнынц, уыйбӕрц ӕвзӕгтӕм ӕппындӕр ничи тӕлмац кӕны. «Хъахъхъӕнӕн мӕсыг» тӕлмац кӕнынц 190 ӕвзагӕй фылдӕрмӕ, «Райхъал ут!» та – 80 ӕвзагӕй фылдӕрмӕ. Зӕгъӕм, «Ридерз дайджест» мыхуыр кӕнынц 21 ӕвзагыл, ӕмӕ йӕ информаци бӕстӕйӕ бӕстӕмӕ хицӕн кӕны.

Фӕлӕ ам цы журналты кой скодтам, уыдонӕй уӕлдай «Хъахъхъӕнӕн мӕсыг» ӕмӕ «Райхъал ут!» мыхуыры уадзынц мысайнӕгты фӕрцы, нӕй дзы рекламӕ ӕмӕ сӕ адӕмӕн дӕттынц лӕвар.

Журнал «Хъахъхъӕнӕн мӕсыг»-ӕн йӕ нысан у, цӕмӕй Библийы ахуырӕдтӕ ӕмбарын кӕна, уӕлдайдӕр та Фыстад Хуыцауы Паддзахады тыххӕй цы дзуры, уый. Ӕдзухдӕр цӕуы 1879 азӕй фӕстӕмӕ. «Райхъал ут!»-ы та дзырд фӕцӕуы алыхуызон темӕтыл, зӕгъӕм, ӕрдз ӕмӕ наукӕйыл, ӕмӕ йӕ нысан у, цӕмӕй адӕймаг Сфӕлдисӕгыл тынгдӕр баууӕнда. Дзырд ма дзы фӕцӕуы, Библи царды куыд ахады, уый тыххӕй дӕр.