Tarufudún Beteli

Agunbiraha wamutün arihei turageirugu wani áfisi to burí unboun wagúara Beteli. Anihein dan, gürigia adundehagubei lungua dan le labisidahanu áfisi burí to.

Se reanudan las visitas guiadas: El 1 de junio de 2023, en muchos países reanudamos las visitas guiadas a nuestras sucursales. Si desea saber más detalles, póngase en contacto con la sucursal que le gustaría visitar. Por favor, no visite la sucursal si tiene síntomas como los de un resfriado o la gripe, si ha dado positivo en COVID-19 o si se ha expuesto a alguien que haya dado positivo en un examen de este virus.

Anúadira humá aban fulasu

Kanadá

Lasubudirúniwa turageirugu wani áfisi

Mosu san hadügün daradu lubá hudin asubudiroun Beteli? Anha. Lun gunda humá danme le hudin asubudiroun Beteli, luma lun mabuinchagun hamá gürigia ñein, amuriahatiwa hama sun ha busenbaña houdin lun hadügün daradu lau dan, meberesenga anhein ñüraü lubéi o weiri lan sétanu le ñeinba lubéi hudin. Lidan burí dan le ídanbei lefeduhaña lan somu ageiraü o lídanñanu lan bakechanu aturiahatiña leskuelarugu, amuriahatiwa huma lun hadügün daradu saragu dan lubaragiñe.

Gayaraabei san hudin asubudiroun Beteli anhein madügün hubéi daradu? Másiñati siñabei lan hudin asubudirei turageirugu Beteli anhein madügün hubéi daradu. Lun mabuinchagun hamá saragu gürigia tidan Beteli, gébehati hiibe gürigia ha gayaraabei houdin asubudirei turageirugu.

Ka san oura lunbei lachülürǘn lun lasubudirún turageirugu Beteli? Lun magibedagun hamá gürigia ñein, áfaagua humá lun machülürün humá lóugiñe aban oura lubaragiñe le ariñawagúbei hun.

Ida luba hadügün daradu lun hudin? Anhein añahein lubéi ǘnabu lun 20 gürigia lidan sétanu le ñeinba lubéi hudin, bagǘ huma luagu “Ladügǘn daradu: ǘnabu hawéi 20 gürigia”. Anhein añahein lubéi 20 gürigia o hóugiñe lidan sétanu, amuriahatiwa huma lun hasubudiragüdüni woun lidan lichugúniwa dátosu le áfuachubei ǘnabu.

Gayaraati san hasansiruni oura luma weyu le hanúadirubei lun hudin asubudiroun Beteli? Anha. Bagǘ huma luagu “Ariha huméi o lasansirún daradu”.

Ka gayaraabei hadügün anhein úaali lubéi ubaraü, weyu le hanúadirubei lun hudin asubudiroun Beteli? Arihaya huméi wani páhina lidan Interneti. Másiñati ñeinbei lan asansiruni ladüga machülühaña lan ha lúnbaña hachülürün lidan ítaga weyu, ani adügati lira lun ñeinbei lan ubaraü.

Subudi huméi turageirugu wani áfisi: Yarafa houn 20 gürigia

Subudi huméi turageirugu wani áfisi: 20 gürigia o lóugiñe

Ariha huméi o sansi huméi weyu lun hasubudiruni turageirugu wani áfisi

Rarigüda humóun garüdia to íchuguboun lanwoun ariñahani.