Jehovahuaj testigoguna cuinta bautisarishca huasha congregacionmanda caruyashcaunahua apanusha catinchi, paiguna Bibliamanda ña mana yachachinujpi ñucanchihua ña mana tandarisha catinujpis. Paigunara animachingaj, yanapangaj ursarinchi cuti congregacionma tigrasha Diosta sirvisha catinuchu.

 Maican Jehovahuaj testigo shu atun uchara rurajpi congregacionmanda anzhuchishca tucuna ushan, shinajpi chita mana uctalla ruranchi. Shu runa atun uchara rurasha catijpi, mana aripintirijpi congregacionmanda anzhuchishca anga, chi tucushcai paigunahua ña mana apanunchi, cuintanunchi. Cai Biblia mandashcara casunchi: “Chi uchara raj runara cangunajmanda anzhuchichi” (1 Corintios 5:13).

 ¿Imara tucun congregacionmanda anzhuchishca runa paihua huarmi huahuaunas Jehovahuaj testigo asha catinujpi? Pariju Yaya Diosta ña mana sirvisha catina ushanujpis, aillu ucui ali apanusha catina ushanun. Cari huarmihua, huahuaunaras llaquishcahua tratasha catinun.

 Congregacionmanda anzhuchishcauna ñucanchi tandarinaunama rina ushanun, shinallara paiguna munanujpi tandarijcunara cuiraj huauquiunara yanapaira mañana ushanun. Chi yanapaigunara charinun Yaya Diosta casusha cuti Jehovahuaj testigo tucunuchu. Congregacionmanda anzhuchishca runauna atun uchaunara chijnisha shungumanda aripintirisha, Biblia mandashcaunara cutillara casusha congregacionma tigrana ushanun.