For heaven and earth, na God get power pass. Nobody go fit count the number of stars wey God make. Bible talk about the Person wey create this plenty stars say: “Make una raise una eye look heaven and see. Who make all this things? Na the Person wey de lead them like soldier, e [God] know their number and e know all their name. Because e strong well-well and get power well-well, no one de loss.”​—Isaiah 40:​25, 26.

 Na true say God get power well-well, but the kind Person wey e be pass like that. Bible talk say God get feelings. E de show love and e fit hate something. (Psalm 11:5; John 3:16) Bible still show say wetin we de do fit affect how God de feel.​—Psalm 78:​40, 41.