Li Jpasvanej kuʼuntike voʼne xa onoʼox yakʼoj mantaletik ta sventa li nupunele, yan li ajvaliletike ta tsʼakal to jech la spasik. Xi chal li baʼyel livro ta Vivliae: «Ta xikta komel stot xchiʼuk smeʼ li vinike, jaʼ xa chchiʼin˗o ta naklej li yajnile, vaʼun tspas ta jun sbekʼtalik li chaʼvoʼike» (Jenesis 2:24). Li Diccionario expositivo de palabras del Antiguo y del Nuevo Testamento exhaustivo, de W. E. Vine, kʼalal chal «yajnil» xi li ta teksto liʼe, «jaʼ chalbe skʼoplal li antsetike». Ta mas tsʼakale, li Jesus eke laj yal ti skʼan «jun vinik xchiʼuk jun ants» sventa xnupunike (Mateo 19:4).

 Li Diose laj yal mantal ti jaʼ sventa sjunul xkuxlejalik mi nupunik li jun vinik xchiʼuk jun antse. Li jun vinik xchiʼuk jun antse jech pasbilik sventa xil yalab xnichʼnabik, ti xakʼbe sbaik li kʼusitik chtun yuʼunik sventa chiʼinejbail ta vayel xchiʼuk ti xmuyubajikuk noʼoxe.