Lu a mnenge u vough sha kwaghhenen. Nôngo u nengen zan ica. Ka hanma kwagh u i lu tesen we hegen cii una doo u u henen ga. Nahan kpa, akaa a i tesen we ken makeranta wue wue la aa wase u u hemba fan mlu u ior man akaa a a kase u la. Aa wase u ‘u hingir ior cii hanma kwagh cii,’ sha er u fa u lamen a ior sha ajiir kposo kposo yô. (1 Mbakorinte 9:22) A hemba kpa, akaa a u lu henen la aa wase u u seer tsaase mhen wou, man kwagh ne una va wase u ken hemen kpaa.

 Lu a mnenge u vough sha kwagh u tica wou. Aluer u hen wer tica wou la ndôhôr, tesen kwagh ka tseen ga yô, hemba veren ishima sha kwagh u a lu tesen la, i de lu mlu na la ga. Kpa umbur wer, tica wou la tese ior mbagen kwagh la kwa imôngo hegen. Nahan a kera maa un iyol u tesen kwagh la er sha hiihii la nahan ga.

 Kwagh u una wase u yô: Ngeren kwagh la shin inya, shi pinen mbampin sha civir sha er a seer pasen we yô, shi kwaghhenen la a maa u iyol. Aluer kwaghhenen la maa u iyol yô, mbagen kpa una hingir u maa ve iyol.

 Lu a mnenge u vough sha kwagh u u fatyô u eren la. Makeranta ua fatyô u ponon mfe u a lu ken a we la. Paulu yange nger Timoteu wener: “Seer nderen iyua i sha mlumun u sha mhôôn i i lu ken we la.” (2 Timoteu 1:6) Ikyav tese ér, Timoteu yange lu a iyua i icighan jijingi. Kpa yange gba u una er tom a “iyua” ne sha er ia saa ishe ga yô. Ka mimi, mfe u u zough a mi ken makeranta la i mar u a mar a mi ga. Nahan kpa, iyua you ngi kposo a i mbagenev. Makeranta u a wase u u fan uiyua ou mbagenev, mba u vande fan wer u ngu a ve ga yô, shi eren tom a ve kpaa.