Nee. Ti Piipel tsaycht tas mer sole ploos fer Kot peete, in Yeesus sayne naame. Yeesus hot tsu sayne tisipele kesaat: “Soo solt iir peete: FATER UNSER, woo pist im himel, kehaylicht wërt tayne naame.” (Matheus 6:9, Centro Bíblico Católico) Tee hot nii kesaat tas se solte fer hayliche, engele orer anere peete, nuer fer Kot.

 Yeesus hot fer sayne tisipele kesaat: “Ich sin te weech, ti woerheet un tas leepe; nimant khomt tsum Fater heekstens torich mich.” (Yoohan 14:6, CBC) Kot hot ploos Yeesus erlaupt fer xpreche in unser naame. — Hepreeyer 7:25.

Un wën ich tsu Kot peete un aach fer ti hayliche?

 In een teel fon ti Tsen Kepoote, hot Kot kesaat: “Ich sin te HËR tayne Kot, een ayfersichtich Kot.” (Eeksotus 20:5, Conferência Nacional dos Bispos do Brasil) Uf was fer aat is Kot “ayfersichtich”? Ti Nova Tradução na Linguagem de Hoje saat soo: “Ich, te HËR, sin tayne Kot un nëme khee anere Kote aan.” Kot xikt tas unser aanpeetung, woo aach tsu tuun hot mit unser kepeete, sol ploos fer iim sin. — Isaiias 48:11.

 Wën mer fer anere peete, hayliche orer engele, tuun mer Kot pelaytiche. Wii te aphostel Yoohan wolt een engel aan peete, hot te engel tas net aan kenom, tee saat: “Mach tas net! Ich sin een tiiner, soo wiis tuu un tayn priiter, woo Yeesus sayn tsayer kriit hon. Peet Kot aan.” — Apokalipsis 19:10, CBC.