Santo tiniu ainiana nu seatniuitrume Yuusa chichamenka tatsui. Aya Yuusak seatniuitji tura Jesusa naarijiai seajme tu seatniuitji. Jesús ni unuiniamuri armiania nuna timiayi: “Nu asamtai Yus áujkuram jú̱nis títiniaitrume. ‘Ii Aparí̱ Yus, nayaimpiniam pujamna nu, ii Aparí̱nme. Ame náarmincha shuar ántar pachischarti” timiayi (Matéu 6:9 Yus Papí Yusa Chichame̱ Aarma [YPYCA] ). Jesuska, santo turutskesha Yuusa suntari nuyanchuka yaksha seatniuitji tu tichamiayi.

 Nuyasha Jesús junis timiayi: “Wi nekas jíntiaitjiai. Núnisnak Nekasa nuitjiai. Tura Iwiaakmaitjiai. Yaaksha Winí̱ winiachkuṉka Aparuí̱ peṉké jeashtatui” (Juaṉ 14:6 YPYCA). Aya Jesusak Yuusnaka aujturmasminiaitji (Israernum [Hebreos] 7:25 YPYCA).

Yuus sear tura santo tiniu ainiana nusha seatniuashitiaj?

 Diez mandamientos nui Yuus junis timiayi: “Warí ti akasma Uunt Yus ame Yúsrumka Wíkitjiai” (Jíinkiarma [Éxodo] 20:5 YPYCA). Urukamtai ti akasma Yuusait? Yuuska aya winiak enentaimtursarat tusa wakeriniaiti, Yuus seakur ni enentaimtaji (Isaías 48:11).

 Yuus seatsuk Yuusa suntari turutskesha santo tiniu ainiana nu seakrinkia ninkia kajertamkattaji. Yuusa suntari, Juan enentaimtustasa tikishmateam junis timiayi: “Íimsakia áinkiaip. Wisha ámiji̱a̱i̱ métek tura yatsumja̱i̱ métek Jesusa nekas chichame̱n tuke umirin ainia núnisan Yusa yáintri̱ntjiai. Yusak shiir awajsatniuiti” (Apukarípsis 19:10 YPYCA).