Ikai. E fai mai te Tusi Tapu me ‵tau fua mo tatou o ‵talo ki te Atua, i te igoa o Iesu. Ne fai atu a Iesu ki ana soko: “Ke ‵talo koutou penei: Te motou Tamana telā i te lagi, ke tapu tou igoa.” (Mataio 6:9, Tusi Tapu Tuvalu) Ne seki fakatonu atu eiloa a ia ki ana soko ke ‵talo ki te kau tapu, agelu, io me se isi tino aka i tafa o te Atua.

 Ne fai atu foki a Iesu ki ana soko: “Ko au te auala, te munatonu mo te ola. E seai se tino e fanatu ki te Tamana manafai e se alatu mai i a au.” (Ioane 14:6, TT) Ko Iesu fua ne talia ne te Atua ke fakamolemole atu mō tatou.—Epelu 7:25.

Kae e a māfai e ‵talo atu au ki te Atua kae ‵talo foki ki te kau tapu?

 E aofia i Tulafono e Sefulu, ne fai mai te Atua: “Au ko te Aliki te otou Atua, e se mafai o fakasaoloto ne au koutou ke ifo ki so se mea.” (Esoto 20:5, TT) Ne fakatonu mai te Atua me i so se tapuakiga—e aofia ei a ‵talo—e ‵tau fua o fai atu ki a ia tokotasi.—Isaia 48:11.

 Kafai e ‵talo tatou ki se isi tino, ke oko foki loa ki te kau tapu io me ko agelu tapu, ka fai fua ei ke kaitaua te Atua. I te taimi ne taumafai te apositolo ko Ioane o tapuaki ki se agelu, ne taofi ne te agelu a ia kae fai atu: “Sa fai ne koe! A tāua ne taina tavini, e penā foki mo ou taina, mo tino katoa kolā e taofi ki te mea tonu telā ne fakaasi mai ne Iesu. Tapuaki ki te Atua.”—Fakaasiga 19:10, TT.