E rua angaanga patu puapinga a te Au Kite o Iehova i Marike e tere nei ki mua, akameitaki tikai i te aronga tei oronga ua ia ratou kia angaanga pakari mei tetai tua o te enua ki tetai.

Wallkill, New York: E are nooanga teia no te 1,600 Au Kite e e ngai neneianga puka na te Au Kite o Iehova i Marike. Ei akamaata atu i te angaanga i Wallkill, te aronga patu are—te maata anga e aronga oronga ua ia ratou—te akatu ra i tetai opati toru-taua, ngai paka anga, e te ngai nooanga toru-taua no te au taeake. Tae anga ki te 2012, kua oti takere i te aronga angaanga i te akatu i tetai ngai vaoo apinga angaanga e te ngai kaikaianga e 200 akaou nooanga tei tapiri atu ki te pae.

I te au enua e manganui, e au ngai akatere anga to te Au Kite o Iehova, tei kapikiia ko te opati Betela, kapiti mai a Brazil, Tiamani, e Mexico. I Marike, te au ngai o te Au Kite o Iehova ka kapiti mai te ngai apiianga i Patterson, New York e te au opati i Brooklyn, New York. Me oti teia ākā angaanga, ka riro ko Wallkill te ngai maata rava atu o te Au Kite o Iehova i te ao katoa.

Warwick, New York: Ka riro teia ngai ou ei opati maata no te Au Kite o Iehova i teianei ao. Kua akaateaia te au are kare e nooia ana mei reira. Kua rauka i te Au Kite te potonga enua e 10 kiromita te mamao, i Tuxedo, New York, no te tuku i te au matini e te au apinga patu are. Kua akatika te aronga mana taoonga i te pepa no te taporoporo i te enua no teia angaanga patu. Me akatikaia mai te parani, ka tukuia tetai pepa patianga no te akatuanga i te au are. No teia taime nei, ka vai ua te au opati maata o te Au Kite o Iehova i teianei ao ki Brooklyn, New York.