La uku, xtatayananin Jehová tlawamakgo akgtiy chiki nema lu xlakaskinka anta kNueva York (Estados Unidos). Chu xlakata lhuwa makgtayanamakgo tiku xatapaxuwan skujmakgo xalak lhuwa países, lakapala tatlawama.

Wallkill. Kʼuma edificio anta katlawakan xlikgalhtawakgakan xtatayananin Jehová chu anta wilakgo 1,600 latamanin. Xlakata lhuwa tiku makgtayanamakgo, anta tlawamaka akgtum edificio niku oficinas nawan chu akgtum edificio niku nalhtatakan, xakilhaktutu umakgolh edificios chu nakgalhi niku nakawilikan putlaw. Kkata 2012 tlawakgoka akgtum edificio xlakata anta natawila equipo técnico chu mastakaka comedor xlakata akgtiy ciento natitanu.

Xtatayananin Jehová kgalhikgo sucursales klhuwa países, makgapitsi wa Alemania, Brasil chu México. Anta kʼEstados Unidos, kNueva York, na kgalhikgo oficinas kBrooklyn chu anta niku tawila escuelas anta kPatterson. Akxni namastakakgokan kWallkill, wa tlakg xalanka nawan xlikalanka katiyatni.

Warwick. Anta unu natlawakan xasasti niku napulalinkan xtaskujutkan xtatayananin Jehová xliputum katiyatni. Kalakxtlawaka edificios nema xwilakgo. Na tamawaka pukuxtu kTuxedo, 10 kilómetros xlimakgat xlakata anta namakikan máquinas chu tuku maklakaskinkgo. Mapakgsinanin wankgonita pi tlan nakatlawakan uma edificios. Chu akxni nawakan pi tlan xlakata niku natawila, tlan naskinkan permiso xlakata natsukukan tlawakan. Xlakata nina tlawakan, chuntiyaku napulalinkan taskujut anta kBrooklyn.