Aap. Jehovap Nalunaajaasuisa up­peraat Biibili tamarmi ‘Guutimit anersaarfigineqarlunilu iluaqutaasoq’. (2 Timotheusi 3:16) Matumani aam­ma nalingin­naasumik Testamentitoq­qamik Testamentitaamil­lu taaneqar­tar­tut pineqar­put. Jehovap Nalunaajaasuisa Biibilimi im­mik­koor­tut marluk taak­ku Al­lak­kanik Hebræerisuunik aam­ma Kristumiut Al­lagaataan­nik Grækerisuunik taasar­paat. Taamaalil­luta Biibilip ilaa nutaan­ngip­pal­laar­tutut naleq­qutin­ngitsutul­luun­niit oqaatiginaveersaar­tar­par­put.

 Kristumiu apustili Paulusi Guutimit isumas­sarsisitaal­luni ima al­lap­poq: ‘Sior­natigut al­lagaasut tamarmik al­las­simap­put uatsin­nut ilin­niutis­saal­lutik.’ (Romamiut 15:4) Taamaat­tumik Al­lak­kat Hebræerisuut paasis­sutis­sanik pingaarutilin­nik imaqar­put. Ilaatigut oqalut­tuat ilin­niarfigineqarsin­naasut siun­nersuutil­lu atoriaan­naasut tas­saniip­put.

•   Oqaluttuat ilinniarfigineqarsinnaasut. Al­lak­kani Hebræerisuuni aam­ma pin­ngor­titsineq inuil­lu ajor­tilin­ngor­nerat sukumiisumik al­laatigineqar­put. Paasis­sutis­sat taak­ku pigin­ngitsuugutsigit apeq­qutit uku naam­maginar­tumik akis­sutis­saqar­tis­san­ngilavut: Sumin­ngaan­neer­pugut? Sooq inuit toqusar­pat? (1 Mosesi 2:7, 17) Tamatuma saniatigut inuit uagutsitut nuan­naaruteqar­tut unam­miniagaqar­tul­lu pil­lugit Jehovap Guutip iliuusii Al­lak­kani Hebræerisuuni eq­qaaneqar­put. – Jaaku 5:17.

•   Siunnersuutit atoriaannaasut. Biibilimi atuak­kat Us­satit aam­ma Oqaluus­sisar­tup oqaasii, Al­lak­kani Hebræerisuuniit­tut, inuuneq pil­lugu ilisimas­susermik qaqugorsuarmut atuut­tunik imaqar­put. Taak­kunani qanoq ilaqutariit­tut pil­luar­toqarsin­naasoq (Ussatit 15:17), sulinermut tun­ngatil­lugu qanoq oqimaaqatigiis­sumik isigin­nit­taaseqar­toqarsin­naasoq (Ussatit 10:4; Oqaluus­sisar­tup oqaasii 4:6) aam­ma inuusut­tut inuuner­tik qanoq pitsaaner­paamik atorsin­naaneraat (Oqaluus­sisar­tup oqaasii 11:9-12:1) al­las­simavoq.

 Tamatuma saniatigut Biibilimi atuak­kani tal­limani siul­ler­ni Mosesip inatsisai al­lan­neqarsimasut atuaq­qis­saarlugit iluaqutigisin­naavar­put. Inatsisit taak­ku kristumiunit malin­neqar­tus­saan­ngik­kaluar­tut pil­luarluta inuunis­samut iluaqutigisatsin­nik najoq­qutas­siaqar­put pingaarutilin­nik. – 3 Mosesi 19:18; 5 Mosesi 6:5-7.