Gendeh. Como maga Testigo de Jehova, Cristiano kame pero gendeh kame maga Protestante. Porque?

 Asegun na un referencia, el Protestantism amo un “religioso actividad que tan contra con el Romano Catolico.” Deverasan, gendeh tan uyun el maga Testigo de Jehova na maga enseñanza del Catolico pero gendeh kame maga Protestante por causa na siguiente maga razon:

1.   El cuanto na cosa ta creé el maga Protestante gendeh uyun na cosa deverasan ta enseña el Biblia. Por ejemplo, el Biblia ta enseña que “uno lang el Dios” y gendeh le parte del Trinidad. (1 Timoteo 2:5; Juan 14:28) Ta enseña tambien este que gendeh ta castiga el Dios con el maga malo na infierno sino hay destroza le kanila.—Salmo 37:9; 2 Tesalonica 1:9.

2.   Gendeh kame tan contra o ta pricura hace cambio na religion de Catolico o na maskin cosa religion. Ta predica lang kame el buen noticia acerca na Reino del Dios y ta ayuda con otro para tiene fe con ese. (Mateo 24:14; 28:19, 20) Gendeh kame ta pricura hace cambio na otro maga religion sino ta enseña kame el verdad acerca con Dios y na de suyu Palabra, el Biblia, con aquellos quien interesao.—Colosa 1:9, 10; 2 Timoteo 2:24, 25.