Da Bible give solid proof dat God real. Da Bible tell at Romans 12:1, NW, gotta use yoa brains fo reason fo see if all dat iz true. (1 From John 5:20) So no jus believe wat religions tell. We go try check out some proof from da Bible.

•   Life stay prove get one Creator. Da Bible tell: “Ery house, you know, get somebody dat build um. But God da One wen make eryting.” (Fo Da Hebrew Peopo 3:4) Even tho da ting sound simpo, guys who supa smart an went school long time say “Ho, dass unreal.” *

•   Az humans, ony natural we like know why we stay hea. Even tho we get erytin we need fo live, we no goin be happy until we find out da purpose of life. Da Bible call dis at Matthew 5:3, NW one “spiritual need”. Dass knowin who God, an worshippin him. (Wat Jesus Show John 4:11) Cuz we feel lidis, ony show dat he real an he like us come his frens. (Matthew 4:4)

•   Da Bible wen tell hundreds of years ahead of time wat wuz goin happen in da future an erytin wen happen jalike how wen tell. Erytin wuz so spot on which prove had to come from someone who wuz moa higher den one human. (2 From Peter 1:21)

•   Bible writas wen know stuff about science dat da guys aroun dem neva know yet. Plenny peopo thought dat da eart wuz on da back of one animal. Da Bible tell: “God…He hang da earth wea no mo notting fo hold um.” (Job 26:7) An da Bible wuz right wen it tell da eart wuz “jalike one big circle.” (Isaiah 40:22) Plenny peopo tink da ony way da Bible writas wen know all dis befo anybody else wuz cuz God wen tell dem.

•   Da Bible ansa plenny hard kine questions. Like if God get so much love an aloha an he get all da mana, how come so much people suffa? An how come get so much pilau stuff in dis world? An how come religion cause peopo fo do bad stuff instead of good kine stuff?​—Titus 1:16.