¿Jãu Dachi Akõre Kobierno dachi corazonɗe ira panabaree?
Chi Bibliaba panau ɓuu
Dachi Akõre Kobierno cristianorã corazonɗe ira panaɗawẽma. a Chi Bibliaba jara ɓuu nau Kobierno bajãaɗebena kuɓuu (Mateo 4:17). Bibliaba jara ɓuu chi Kobiernoba gobernamaa ɓuu ʉtʉ bajãareeba. ¿Kãare mauchaburu kawaɗayu nauɗebena?
Chi Kobierno Dachi Akõreɗebenaba bara ɓuu chi gobernabadau, chi ẽbẽrarã gobernaɗayu baita mauɗe chi leyrã, ʉtʉ bajãaɗe mauɗe nama iujãaɗe biɗa joma kumplibii baita (Mateo 6:10; Apocalipsis 5:10).
Chi Dachi Akõre Kobiernoba “jomaurã ẽbẽrarã puuruɗebenarã, aɓaaɓaa diwarau beɗea” nureerãmaa nau iujãaɗe gobernayua (Daniel 7:13, 14). Jãuwẽebasii chi gobierno ẽbẽrarãba jʉrʉpeɗaaɗa baɗa; Dachi Akõreburu ichi Kobierno poder deaɗa baɗa jãuba chi ẽbẽrarã gobernaɗayu baita (Salmo 2:4-6; Isaías 9:7).
Jesusba chi apostolerã jipa nureerãmaa jara ɓoosii ichi baara Kobierno ʉtʉ bajãaɗe duanaɗayua. ¿Sakai baita? Ichia naka jarasii: “Machi rey ãkauɗe akʉ paneeɗai”, ichi ome gobernaɗayu baita (Lucas 22:28, 30, Biblia Chamí,WPS.).
Chi Dachi Akõre Kobiernoba acabaɗayu chi ichi iadaa nureerãmaa (Salmo 2:1, 2, 8, 9; 110:1, 2; 1 Corintios 15:25, 26).
Chi Bibliaba jara ɓuu Dachi Akõre Kobiernoba dachi corazonɗeeba gobernawẽe ɓuu. Mauɗeeba dachia kuitaa panuu Dachi Akõre Kobierno dachi corazonɗe kuɓuuwẽe. Chi Bibliaba jara ɓuu: “Chi beɗea biarã Dachi Akõre Kobierno ʉ̃rʉbena” jãuba aiɗa ɓuu dachi corazón mauɗe dachi kʉ̃risia biʼia ɓuu asebii baita (Mateo 13:19; 24:14).
¿Jesusba jara ɓoosẽe chi Kobierno Dachi Akõreɗe ara dachi corazonɗeburu kuɓuu?
Chi ɓee Bibliarãɗe Lucas 17:21ɗe naka jara ɓuu: “Dachi Akõre ẽbẽrarã sõɗéburu chi jaradea ua ɓuabarii ɓeebarii” (Biblia Chamí, WPS.). Mauɗeeba chi nureeba kʉ̃risiabadau chi Dachi Akõre Kobierno dachi aɓaaɓaarã corazonɗe kuɓuu. Kawaɗaika kãare ʉ̃rʉbena jara ɓoosii Jesusba cha naarã beɗearã jarai naeɗe.
Chi líder religiosorãba Jesús beataɗai kʉ̃risiasiɗauɗeeba, Dachi Akõre Kobierno corazón ãchiɗe kuɓuuwẽe basii
Jesusba mau jara ɓoosii líder religiosorãmaa, fariseorã abadau, ãchi iadaa ãrĩã unibasiɗauba beataɗai kʉ̃risiasiɗaa (Mateo 12:14; Lucas 17:20). ¿Makarã ichia jara ɓoosẽe chi ẽbẽra kachirua nureerã chi Dachi Akõre Kobierno ãchi corazonɗe kuɓuẽ? Makawẽma, ichia naka jara ɓoosii: “Eɗare machi ãrea [corazón] kachirua nuree” (Mateo 23:27, 28, Biblia Chamí, WPS.).
Junebe Bibliarãɗe Lucas 17:21ɗebena chi ariɗe jaradea kuɓuu. El Nuevo Testamento original abadauba naka a ɓuu: “Dachi Akõre Kobierno ara bichi jʉ̃kaa nii”, mauɗe Chi Traducción del Nuevo Mundo de las Santas Escrituras (con referencias) jãuba naka a ɓuu: “Chi Kobierno Dachi Akõreɗe ara machi tãeɗe kuɓua” (Ochias chi dore ɓʉ kuɓuu). Makarã, ¿sakayua Jesusba naka jara ɓoosaa? Dachi Akõreba Jesús jʉrʉ ɓoosii ichi rey bai baita, ara ãchi jʉ̃kaa nibasiiɗeeba (Lucas 1:32, 33).
a Chi ɓee iglesiarãba jarabadau Dachi Akõre Kobierno ẽbẽrarã corazonɗeburu kuɓuu. Iglesia Estados Unidosɗebenaba jara ɓuu chi Dachi Akõre Kobierno “Dachi Akõreba goberna ɓuu dachi corazonɗe mauɗe dachia ase niiɗeburu”. Mauɗe chi cartaɗe Jesús Nazaretɗebena chi papa Benedicto 16ba naka jara ɓoosii: “Chi ẽbẽraba ũriburuubʉrã ichi corazonɗeeba Dachi Akõre Kobierno neebaria. Ichi corazón chi o kĩraka ɓuu”.
Nau siɗa bustai ɓua buchia
ENSEÑANZAS IMPORTANTES DE LA BIBLIA
¿Kãareba Dachi Akõre Kobierno?
Jesús nama iujãaɗe jaradea nibasiiɗe ichia Dachi Akõre Kobiernodu ãrĩã beɗeabachia. Yataɗeeɗa ichiɗe ijãa nureeba wiɗi duanua chi mau Kobierno neei baita.
CHI KARTABA
¿Kaiba chi Rei Dachi Akõre Kobiernoɗebena?
Dachi Akõreba Bibliaɗebena ɓʉduanuurãmaa ɓʉbikuasia saka kuitaaɗai kai bai chi rei Dachi Akõre kobiernoɗebena. Yataɗeeɗa ẽbẽra aɓaɓuudu maka ɓuu.
