¿In Eyaltal a Dios i neʼdhál ti ichích?

KA TʼOJON TI

An tokʼtsixtaláb axi in binál an Biblia

In Éyaltal a Dios yab pel jantʼoj axi in éjtowal kin neʼdhaʼ an atiklábchik tin ichích. aAn Biblia in olnál juʼtáj ti kʼwajat, in ulal abal «an Eyaltaláb kʼwajat ti éb» (Mateo 4:17). Jayej in tejwamedhál abal pel jun i Eyaltaláb axi kʼwajatits ti ábatnom tiwaʼ ti éb. Wanaʼ ki tsuʼuw.

In Éyaltal a Dios in kwaʼal in tolmiwál, jayej i atiklábchik ani i abatnaxtaláb, ani in tʼajál ka putun in kulbétal a Dios jantʼiniʼ ti éb ani tejéʼ ti Tsabál (Mateo 6:10; Revelación [Apocalipsis] 5:10).
In Éyaltal a Dios ne’ets kin abatna’ «patal an púlik bichowchik ani jayej axi píl in káwintal» tejéʼ ti Tsabál (Daniel 7:13, 14). Yab pel jun i Eyaltaláb axi tákudh kʼál an atiklábchik, a Dios játs axi in takuyámal ani in pidhámal an awiltaláb abal kin abatnaʼ an atiklábchik (Salmo 2:4-6; Isaías 9:7).
A Jesús in uchaʼ in pútudh abatwálejchik abal neʼets ka kʼwajiy kʼal jajáʼ tin éyaltal ti éb. ¿Abal jaleʼ? Jajáʼ in uluw: «Abal ka buxkanchik ti ábatnom», in léʼ kin uluw, abal kin tʼajaʼchik ti Éyal junax kʼal jajáʼ (Lucas 22:28, 30).
In Éyaltal a Dios neʼets kin talabédhaʼ kʼal jitaʼchik tu tomolnáb (Salmo 2:1, 2, 8, 9; 110:1, 2; 1 Corintios 15:25, 26).

Antsanáʼ tam, an Biblia tu exóbchal abal in Éyaltal a Dios yab u ábatnom tin ichích an atikláb. Jantʼiniʼ ti exóbnaʼits, in Éyaltal a Dios yab pel jantʼoj axi i neʼdhál ti ichích. Jawaʼ an Biblia tu ólchal játs tin kwéntaj an «alwaʼ kaw kʼal in Éyaltal a Dios» in éjtowal tu ku tólmiy ki tʼajaʼ i jalkʼuxtaláb ti éjatal (Mateo 13:19; 24:14).

Pero ¿yab in uluw a Jesús: «In Éyaltal a Dios kʼwajat altáj kʼal tatáʼchik»?

Talchik i Biblias in wilkʼál an kaw axi kʼwajat ti Lucas 17:21 ejtíl «in Éyaltal a Dios kʼwajat tin ichích an atiklábchik» (Biblia Americana San Jerónimo). Jaxtám, waʼats i atiklábchik axi in tsálpayal abal in Éyaltal a Dios kʼwajat tin ichích. Pero abal ki exbay axéʼ xi versículo, in tomnál ki ajiy jawaʼ tal ebal ban versículo.

Es imposible que el Reino de Dios estuviera en el corazón de los hombres que querían matar a Jesús

Okʼox, a Jesús in uchaʼ nixéʼ xi kaw an fariseos jun i Kwenél i ókʼnom kʼal an atiklábchik, kom in lej kʼwiyálakchik a Jesús ma in léʼnaʼchik kin tsemdhaʼ (Mateo 12:14; Lucas 17:20). ¿In léʼnaʼ kin uluw abal nixéʼchik pójkax inik in kwaʼalak in Éyaltal a Dios tin ichích? Imbáj ,kom jajáʼ in uchaʼ: «A ichích kʼwajat tʼuchat kʼal i pojkaxtaláb ani i kidháb tʼajbiláb» (Mateo 23:27, 28).

Al kʼeʼat i Biblia in ulal Lucas 17:21 in tájax ulal jawaʼ in léʼ kin uluw an texto. An ít jilchit kaw in ulal: «In Éyaltal a Dios kʼwajatits kʼal wawaʼ», ani an<u202F>Traducción del Nuevo Mundo de las Santas Escrituras (con referencias)<u202F>in ulal: «In Éyaltal a Dios, kʼwajat kʼal tatáʼchik» (ka tsuʼuw an nota). Xowéʼ, ¿jaleʼ ti ulal abal in Éyaltal a Dios kʼwájatak utat ani tsʼejél kʼal an fariseos? Axéʼ in léʼ kin uluw, abal a Jesús kʼwajatakits tákudh kʼal a Dios abal ti éyal ani jajáʼ kʼwajatakits tanáʼ kʼal jajáʼchik (Lucas 1:32, 33).

a Yan i iglesias in exóbchal an atiklábchik abal in Eyaltal a Dios kʼwajat tin ál, in léʼ kin uluw tin ichích an atiklábchik. Jun i tʼiplab játs jawaʼ in ulal, la Convención de Bautistas del Sur —jun i kʼakʼnaxtaláb protestante lej exládh ti Estados Unidos— in uluw, «axéʼ xi Eyaltaláb kʼwajat ti ichích ani pel in éjatal an atikláb o in Eyaltal a Dios in abatnál i ichích ani i éjatal». Ani ban axi in dhuchaʼJesús de Nazaret, el papa Benedicto XVI in uluw: «In Eyaltal a Dios, pel jantʼoj axi u kʼwajíl ti ichích tam i otsʼowiyal. Nixéʼ játs a bélil».