¿Tikpiaj itech toyolo iTekiuajkayo toTajtsin Dios?
Biblia kijtoua
ITekiuajkayo toTajtsin Dios amo kajki itech toyolo. a Biblia kiyekijtoua kanin kajki, ompa kijtoua tekiuajkayotl kajki iluikak (Mateo 4:17). Noijki kiyekijtoua nin tekiuajkayotl yitlanauatijtok ompa iluikak. ¿Ken tikmatij?
ITekiuajkayo toTajtsin Dios kipia akinmej tlanauatiskej, akinmej kinnauatiskej uan tlanauatilmej. Nin tekiuajkayotl kichiuas tlen toTajtsin Dios kineki ompa iluikak uan ipan tlaltikpak (Mateo 6:10; Apocalipsis 5:10).
ITekiuajkayo toTajtsin Dios kinnauatis nochtin altepemej tlen katej itech tlaltikpak (Daniel 7:13, 14). Amo tejuan otikpejpenkej akin tlanauatis, toTajtsin Dios okipejpenki uan ye kikauilia ma techyekana (Salmo 2:4-6; Isaías 9:7).
Jesús okinmilui apóstoles iuan tlanauatiskiaj ken tekiuajkej ompa iluikak. Ye okijto: “Nonmoyayantiskeh [noso nanmotlaliskej]” ipan tronos, nin kijtosneki yetoskej tekiuajkej (Lucas 22:28, 30).
ITekiuajkayo toTajtsin Dios kinmixpolos akinmej kikokoliaj (Salmo 2:1, 2, 8, 9; 110:1, 2; 1 Corintios 15:25, 26).
Ken otikitakej, Biblia amo tlamachtia Tekiuajkayotl tlen kajki iluikak kajki itech toyolo. Ik non, iTekiuajkayo toTajtsin Dios amo tikpiaj itech toyolo. Biblia techmachtia “kuali tlajtolmej itech tekiuajkayotl”, non techyolinis itlaj ma tikchiuakan (Mateo 13:19; 24:14, TNM).
¿Tlen okinekiaya kijtos Jesús ijkuak okijto: “ITekiuajkayo toTajtsin Dios kajki namoijtik”?
Itech Lucas 17:21 seki Biblias ijkin kitlajtolkopaj: “ITekiuajkayo toTajtsin Dios kajki namoijtik” (Biblia Americana San Jerónimo). Ik non, miakej mokuayejyekouaj iTekiuajkayo toTajtsin Dios kajki itech toyolo. Para kuali tikajsikamatiskej nin versículo, ma tikitakan tlen okachi kijtoua.
ITekiuajkayo toTajtsin Dios amo uelis yetoskia itech inyolo porque yejuan okikokoliayaj uan okinekiayaj kimiktiskej Jesús.
Achto, ninmej tlajtolmej Jesús okinmilui fariseos, yejuan okikokoliayaj uan okinekiayaj kimiktiskej (Mateo 12:14; Lucas 17:20). ¿Kox okinekiaya kinmiluis okipiayaj iTekiuajkayo toTajtsin Dios itech inyolo? Amo, porque ye okinmilui: “Ijtik nomoyolo non íxkopteh iwa non pitsotikeh” (Mateo 23:27, 28).
Itech okseki Biblias kiyekijtoua tlen ijkuilitok itech Lucas 17:21. El Nuevo Testamento original kijtoua: “ITekiuajkayo toTajtsin Dios kajki namonauak” uan Traducción del Nuevo Mundo (con referencias) kijtoua: “ITekiuajkayo toTajtsin Dios kajki namotlajko” (xikita nota). Pero, ¿tlen kijtosneki Tekiuajkayotl okatka innauak noso intlajko fariseos? Kijtosneki Jesús okatka inmiuan, ik non, ijkon okijto porque toTajtsin Dios ye okipejpenki para tlanauatiskia (Lucas 1:32, 33).
a Miakej religiones tlamachtiaj iTekiuajkayo toTajtsin Dios kajki itech toyolo. Ompa Estados Unidos miakej kinmixmatij ken Bautistas del Sur, se tonal akinmej tlayekanaj omonechikojkej uan ompa okijtojkej iTekiuajkayo toTajtsin Dios “tlanauatia itech toyolo uan itech tonemilis”. Itech amochtli Jesús de Nazaret tlen okijkuilo papa Benedicto XVI, ompa okijto: “Tla titlakakij, iTekiuajkayo toTajtsin Dios kalakis itech toyolo”.
Xamo noijki mitspaktis
TLEN OKACHI IPATI TLAMACHTIA BIBLIA
¿Tlen iTekiuajkayo toTajtsin Dios?
Jesús otetlapoui itech miak tlamantli, pero okachi otetlapoui itech iTekiuajkayo toTajtsin Dios. Yikipia miak xiuitl tlaltikpaktlakamej kitlajtlantokej ma uiki non Tekiuajkayotl.
AKIN TETLAPOUIJTOK
¿Akin kiyekana nin Tekiuajkayotl?
ToTajtsin Dios okichi ma kijkuilokan itech Biblia akin yetos totekiua. San Jesús okipanok nochi nin tlamantli.
¿TLEN KIJTOUA BIBLIA?
¿Tlen kichiuas iTekiuajkayo toTajtsin Dios?
Xikmati tlen kichiuas iTekiuajkayo toTajtsin Dios ipan tlaltikpak.
