Jurhiatikua 14 de septiembrini 2013 jimbo, sáno 10,500 kʼuiripuechaksï niraspti graduasionirhu klaseri 135 Bibliaeri Jorhenguarhikua Galaadiri enga Watchtoweririka, i graduasioni úkuarhispti Patterson (Nueva York), jima engaksï Jeobaeri testiguecha uájka. I eskuela jarhuataasïndi Jeobaeri testiguechani engaksï jatsikia experiensia paraksï úni sánderu ambakiti jorhentpiricheni.

Guy Pierce, enga jindeka Grupueri enga Orhejtsïkuajka iámindu kúnguarhikuechani Jeobaeri testiguecheri, orhejtsïkuspti ini programani. Ima uénaspti uandakuecha jingoni engaksï Mateu 28:19, 20 jaka, enga arhijka: “Ni je jorhendaani iámindu kʼuiripuechani (disipulu uaani, TNM), [...] ka jorhendaani eskaksï patsaaka iámindu ambe engaksïni ji juramuchika”.

Erachi Pierce uandaspti eskaksï Jesusiri uandakuecha jiáni uénaspka úkuarhini ka eskaksï asta iásï jamberi úkuarhixaka. Kristianuechaksï jorhendaasïndi imecheri jorhenguarhirichani paraksï úni ambe engaksï Jesusi juramukuecha uandajka, ka ma jindesti aianhpini “ambakiti eianhperakua [Tata] Diosïri juramukueri” (Mateu 24:14). Ka ísï jámani, jimbanhi jorhenguarhitichajtuksï niárasïndi jindeni eianhpiricha ka jorhentpiricha Reinueri. Seguni erachi Pierce, i ambe úxati eska seguni eska na sánderu uánipani jaka kʼuiripu ixú Echerirhu, Tata Diosïri iretajtu sánhani arhini jauaka kʼéni.

“Íntspesptiksï eskaksï xáni úpiringa íntspini.” Thomas Cheiky, enga jindeka Estados Unidos anapu Komite de sukursaliri, nitamataraspti diskursu ma enga 2 Korintu 8:1-4 pʼitakata japka. Nájkirukaksï pobripka, Masedonia anapu kúnguarhikuecha primeru siglueri, kurhajkuarhisptiksï eskaksï intsïnhapiringa sésikua paraksï jarhuataani Jerusaleni anapu erachichani engaksï uétarhinchakua jatsipka. Galaadiri estudiantichaksï májkueni intsïmpitisti ka uandanhiasïndiksï máteruechani jimbo.

Uákachi seguru jarhani eska nájkirukaksï Masedonia anapu kristianuecha intsïmpitipka, nóksï méni jurajkuspka kéndaani imecheri familiechani, niksï jurajkupi marhuakuni Tata Diosïni. Erachi arhiaspti estudiantichani eskaksï ísï úpiringa eskaksï na úpka Masedonia anapuecha.

“Eskuela kʼamakurhistia.” Samuel Herd, máteru enga jindeka Grupueri enga Orhejtsïkuajka iámindu kúnguarhikuechani, pʼímarhiaspti estudiantichani paraksï miántani ambe engaksï xáni nitamanchapka Eskuela Galaadirhu. Uandaspti eska májkueni eska ma na újka chúskutani miáni kústakua ma, úpiringaksï méntkisï miántani jarhani imani ambe engaksï eskuelarhu nitamanchapka ka i ambe úpirindi uinhaperantaani iámu imecheri irekuarhu.

Erachi Herd ístu uandaspti eska Jeobaeri eratsikua no méni kʼamakurhisïnga. Tata Diosï jatsikuasti nombri uánikua miioni jóskuechani engaksï jaka, ka no méni mirikurhisïndi ni máechakuani (Salmo 147:4). Ísï jimbo, Jeoba ístu no mirikurhiati na engaksï estudianticha xáni ánchikuarhika engaksï jamberi jorhenguarhini japka. Jeoba imeri eratsikuarhu ambakiti ambe patsasti mándani estudiantiri, ka no nema uáti sïpani auandarhu anapu jatsikuarhekuechani (Mateu 6:20).

Erachi ístu uandaspti eska enga Tata Diosï patsakia imeri eratsikuarhu na engaksï xáni jánguarhintaka estudianticha engaksï jorhenguarhini japka, ístu engaksï xarhataka uékperakua, no no sési jarhaska eskaksï imecha tsípikua jingoni miántaaka iámu ambe engaksï úka Galaadi. “Ka engaksïni tsíperaaka ima ambe engajtsï miántaaka —arhiaspti erachi Herd estudiantichani—, asï mirikurhi je eska Jeobani jimboeska, ka diosmeiamukua arhinta je. Méntkisï miánta je ambakiti ambe, jimbokaksï kóntperatecha jindeuaka para méntkisï.”

“Méntkisï mintsika je Jeobaeri xáni kʼéri uinhapikuani.” Sam Roberson, ma enga jorhentpipka eskuelarhu, arhiaspti estudiantichani eska méntkisï engaksï problema ma jatsipiringa, eskaksï mintsikapiringa Jeobaeri uinhapikuani, ka no imecheri uinhapikuani. Efesu 3:20 uandasïndi eska Tata Diosï úsïnga “iauani sánderu kʼéri ambe úni ka eska enga jucha kurhajkuarhijka o eratsin[i]”. Imeri uinhapikua xáni kʼéristi engachi jamberi no újka kurhanguni. Ni sikiera sésku jaki uandani eska Jeoba úsïnga “iauani sánderu kʼéri ambe úni” iámindu amberi engachi eranhaskajka, jimboka textu uandasïnga eska ima sánderu ambe úsïnga úni.

Jeoba aiakuasïndi imeri xáni kʼéri uinhapikuani iámindu kristianuechani. Engaksï jauaka ójkutakuecha, ima ísïsti komueska “uinhapiti ma” enga chérhikueka, o “uarhipiti ma” enga chérhikueka (Jeremías 20:11; El libro del pueblo de Dios). Erachi arhiaspti estudiantichani eska Jeoba jarhuatauaka paraksï orhepani uérakuani náki uéjki járhati ójkutakuechani.

“Xarhata je eskajtsï respetarikuarhisïnga engajtsï Reinueri ambe eianhpini jauaka.” William Samuelson, máteru enga jorhentpipka, uandaspti eska Reinueri eianhpikua úska eskaksï estudianticha jukaparhakua ambeuaka tsimani ambe jimbo. Orheta, íntsasti sésikua paraksï xarhatani, antesi ka engaksï jamberi jorhendanhani japka, eskaksï kʼuiripuecheska engaksï janhanharhikueka. Tátsekua, jindeni representanticha gobiernueri enga sánderu jukaparhakueka interu parhakpini, Tata Diosïri Reinueri, úsïndi eskaksï kʼuiripuecheuaka engaksï jukaparhakueka ka engaksï jukanchaka respetu.

¿Nénajtsï uá méntkisï xarhatani eskajtsï jukanchaska respetu? Erachi Samuelson pʼímarhiaspti eskaksï kʼéri ambe arhipiringa Jeobani ka respetu xarhatakuani máteruechani. Jesusi mísmu xarhatakuaspti ini ambe imechani engaksï imani jingoni jarhaenga, asta jiáni jamberi enga konseju íntskuauenga o jurhimberantaani. Ístu, apostuli Pablu jukaparharaspti imeri eianhpikuani ka no jirinhaspti para kʼéri ambe exenhani (Roma 11:13). Engaksï estudiantichajtu májkueni úska, sánderuksï jukaparhakueuati.

‘Kabaiuecheri uinhapikua imecheri penchumikuarhu jarhasti.’ Michael Burnett, máteru enga jorhentpipka Galaadi, xarhataspti eska engachi sési úraaka ambe engachi jorhenguarhijka tánguarhikuecharhu para juramukua jingoni uandani eianhpikuarhu, jarhuajpini jarhasïngachi kumplirini profesiani enga Jaŋaskuecha o Apocalipsis, 9:19 jaka. Tátsekua, presentariuaspti máru estudiantichani engaksï uandantapka o xarhatani experiensiechani engaksï eianhpikuarhu nitamanchapka. Ejemplu ma, estudianti ma kurhamarhikua ma úkuspti gasolineraeri ánchikuarhirini: “¿Kániksï uénaski ka kʼamarani nasionicheri tiempuecha?” (Lukasʌ 21:24). Enga estudianti pʼorhembintapka achatini, jarhuataspti exentani mókuntskuani, úraparini karakatani de Daniel kapitulu 4 ka librueri apendisini ¿Ambemindusï jorhentpejki Biblia?

“Imecheri mintsitechaksï uinhaperanhantasti.” Adrian Fernandez, máteru enga jindeka Estados Unidos anapu Komite de sukursaliri, entrebistariuaspti tsimani temungurhirichani ini eskuelaeri. Erachi Helge Schumi uandaspti eska sési jarhaspka eska Galaadi méntku úndapiringa uandanhani na enga xáni jukaparhakueka méntkisï kaxumbitiini, jimboka Biblia uandasïnga máru Jeobaeri marhuaricheri engaksï úndapka kʼéri pʼikuarherani engaksï intsïnhaapka máru pribilegiuechani (2 Crónicas 26:16). Ístu erachi Peter Canning miátantaaspti ambakiti konsejuni engaksï intsïnhapka klaserhu de jorhenguarhini idioma ma: “Asï kʼéramakuarhi je; nájkirukajtsï jatsiaka para kʼuratsekua jingoni pakarani”. Tʼámu engaksï entrebistarinhapka, uandasptiksï na engaksï xáni agradesidu japka imani ambe jimbo engaksï pʼipka eskuelarhu: uinhapikua paraksï úni imecheri ánchikuarhitani ka uiuinhasï mintsita ma (Ebreu 13:9).

“Tsípi je jimboka chári nombricha karakata jarhaska auandarhu.” (Lukasʌ 10:20.) Geoffrey Jackson, enga jindeka Grupueri enga Orhejtsïkuajka iámindu kúnguarhikuechani, nitamataraspti primeru partini programaeri. Ima uandaspti eska desde máru uéxurhini tátsepani, estudiantichaksï nóteru axanhasïngia máteru territoriuecharhu, niksï jatsiani ambakiti experiensiechani imani territoriuecharhu enga nótki méni aianhpinhani japka. ¿Nénaksï jatsipirini para pʼikuarherani?

Engaksï 70 disipuluecha enga Jesusi axaapka eianhpikuarhu na kʼamarapkia eianhpini, tsípiparinksï uandantaspti eskaksï Jesusiri nombri jimbo, petarhetpentaspka noambakitiri espirituechani (Lukasʌ 10:1, 17). Nájkiruka Jesusijtu tsípipka ini ambe jimbo, arhiaspti: “Asï jáma je tsípini indeni jimbo engaksïni noambakitiri espirituecha janhanharhijka, sino tsípi je jimboka chári nombricha karakata jarhaska auandarhu” (Lukasʌ 10:20). Ini ambe jingoni xarhatakuaspti eska no méntkisï sési nikuapiringa. Ísï jimbo, jatsisptiksï para jingontku jarhani, no andakuecha jimbo, sino paraksï méntkisï marhuakuni Jeobani parakaksï imecheri nombricha “karakata ja[ua]ka auandarhu”.

Erachi Jackson uandaspti, “ambe enga Jesusi arhiapka imeri 70 disipuluechani ístujtsïni marhuachisïndi juchantsïni”. Nochi jatsiska para jurajkuni eska ambe engachi úkia eianhperakuarhu jindeuaka ma ambe engachi jimbo tsípini pʼikuarheraaka o eskachi imani ambe jimbojkusï uáka tsípini. Solu engachi ambakiti pájperakua ma jatsiaka Jeoba jingoni ka engachi jánguarhintaska marhuakuni, jatsiakachi ambakiti tsípikuarhita ka ísïchi exenhaaka eskachi jurhimbiticheska.

Ístu Jesusi nitamanchaspti imani ambe jimbo enga úpiringa chkerani. Ejemplu ma, enga na milagru ma jimbo tʼirerapka mili kʼuiripuni, uénasptiksï chúxapani (Juanu 6:10-14, 22-24). Peru, engaksï na kurhaapkia Jesusiri jorhentperakuani ma, uánikuechaksï ikiaspti ka jurajkusptiksï. Ísï jimbo, ima tsípikua enga pʼikuarheraenga jimbokaksï uánixapkia kʼuiripuecha, kʼamakurhispti engaksï xáni uánikua kéndikupka (Juanu 6:48-56, 60, 61, 66). Peruksï apostulicha méntkisï marhuakuspti ka nóksï jurajkuspti Jesusini. Enbesi de sánderuksï jukaparharani andakuecha o ambe engaksï úpkia, jánguarhintasptiksï méntkisï jurhimbitiini ka sési pájperakua ma jatsini Jeobani jingoni (Juanu 6:67-69).

Para kʼamarani. Engaksï intsïnhantapkia diplomechani, estudianti ma arhintaspti karta ma engaksï imecha úpka para diosmeiamukua arhijpintani. Erachi Pierce uandaspti eska i parhakpini no jukaparharaasïnga Jeobaeri marhuarichani, ka i ambe ístu arhikuekasïndi eska ni imechani engaksï graduarikuarhika Galaadi (Ukuecha 4:13; 1 Korintu 1:27-31). Peru Jeoba jeiapanhintasïndi engachi jucha jánguarhintajka marhuakuni ka íntskusïndijtsïni espiritu santu. Jamberi Jeoba no ísku pakarajti juchari jorhenguarhika jimbo, peru, eska na uandapka erachi Pierce, “ísku pakarasïndi engachi méntkisï marhuakujka, nochi méni jurajkuni ka engachi imantku kómarhijka”.