Jiova Witnɛs dɛn dɔn bigin fɔ bil dɛn nyu wɔl ɛdkwata na Sterling Forest Lake (Blu Lek) insay Nyu Yɔk Stet. Wetin dɛn de du fɔ protɛkt di animal dɛn we de de ɛn di ples usay di animal dɛn de?

Dɛn bil wan fɛns rawnd di say usay dɛn de wok so dat dɛn go blɔk animal dɛn lɛk snek ɛn tɔtɔys dɛn fɔ mek dɛn nɔ kam usay dɛn de wok ɛn fɔ mek sɔntin nɔ go du dɛn. Dɛn kin chɛk di fɛns fast fast so dat no animal nɔ go kam insay ɛn kam fasin usay dɛn de wok. We dɛn dɔn fɔ bil, if dɛn si ɛni snek nia di bildin, dɛn go mek di wan dɛn we gɛt ɛkspiriɛns bɔt snek biznɛs kɛr dɛn go bak sef wan usay dɛn fɔ de.

Dɛn kin kɔt kɔt di tik dɛn usay dɛn blu bɔd dɛn bil os fɔ le eg na dɛn stik dɛn we de nia usay dɛn de bil so dat dɛn nɔ go ambɔg di bɔd dɛn we tɛm rich fɔ le eg. We dɛn dɔn fɔ bil na di say dɛn we dɛn bɔd dɛn os bin de, dɛn go put dɛn os dɛn bak so dat di bɔd dɛn go kam bak.

Apat frɔm dat, dɛn de gred ɛn klia sɔm eria frɔm Ɔktoba ɛn Mach so dat dɛn nɔ go alaw dɛn wayl flawa dɛn lɛk di hyssop skullcap fɔ gro de. Pan ɔl we frɔm 2007, dɛn nɔ si dis kayn flawa na di say usay dɛn de bil na Wɔwik, dɛn bin stil gred di ples fɔ dat.

Sterling Forest Lake, we tan lɛk bɔda na di sayt, gɛt fish dɛn lɛk, trout, bass, pickerel, ɛn perch. Fɔ mek dɛn go protɛkt di lek, di wan dɛn we dizayn di ples bin yuz grin kɔnstrɔkshɔn tɛknik dɛn. Dat na fɔ plant sɔm tin dɛn ɔp di bildin in ruf so dat i go de shifta di dɔti dɛn we kin de pan di ren wata ɛn fɔ ridyus di kayn we aw di wata de rɔn. Apat frɔm dat, dɛn de protɛkt di plant dɛn we de rawnd di lek.

Wan Jiova Witnɛs we de na dis dipatmɛnt fɔ protɛkt di eria ɛn di animal dɛn we de rawnd usay dɛn de bil bin tɔk se, “Pan ɔl we dis nɔto izi wok fɔ du ɛn wi go nid mɔ tɛm fɔ plan fɔ du am, wi stil gladi fɔ protɛkt di eria ɛn di animal dɛn we de nia di sayt we de na Wɔwik.”