Porlu, halani sihol do Naibata ase juakjuak-Ni rup martumpu laho manombah-Si. Bibel mangkatahon, “Pardiateihon hita ma samah hita, ase marsiojuran hita mandalankon holong ampa horja na madear, anjaha ulang ma tadingkon hita partumpuanta.”​—Heber 10:24, 25.

 Jesus patugahkon ganupan na mangihutkonsi laho ipatumpu ibagas sada kalompok na terorganisasi. Nini do, “Hunjon ma botohon ni ganup halak susianku hanima, anggo marsihaholongan hanima.” (Johannes 13:35) Sada carani ganup susian ni Jesus patuduhkon holong ai ma rup martumpu pakon hasoman sahaporsayaonni sidea. Ipajongjong do kuria-kuria ase boi sidea teratur beribadah. (1 Korint 16:19) Ipatumpu ma kuria-kuria ai hubani sada organisasi, rap pakon hasoman sahaporsayaon na adong i sab dunia on.​—1 Petrus 2: 17.

Ai sungkup do pitah margabung hubani sada organisasi ugama?

 Lang sungkup anggo pitah margabung hubani sada organisasi ugama. Lang dong ihatahon bani Bibel sungkup ma margabung hu sada organisasi ugama laho pamalaskon uhur ni Naibata. Tapi maningon ihorjahon ia do aha na ihatahon ugamani ase boi mambahen malas uhur ni Naibata. Umpamani Bibel mangkatahon, “On do parugamaon na borsih anjaha na so dong sihataon bani uhur ni Naibata, Bapa in, ai ma manorih na tading maetek ampa na mabalu ibagas hamarsikonni, anjaha manjagai diri ulang butak marhitei dunia on.”​—Jakobus 1:​27.