Ih, Abasi oyom mme owo ẹsisop idem ẹkpono imọ. Bible ọdọhọ ete: “Ẹyak nnyịn . . . ikere nte ikpedemerede kiet eken inọ ima ye nti utom, ikûsịn ndisop idem ọtọkiet.”—Mme Hebrew 10:24, 25.

 Se Jesus eketịn̄de owụt ke mbet esie ẹdidi otu kiet. Enye ọkọdọhọ ete: “Edieke mbufo ẹnyenede ima ke otu idem mbufo, kpukpru owo ẹyeda emi ẹfiọk ẹte mbufo ẹdi mbet mi.” (John 13:35) Akpan usụn̄ emi mme mbet Christ ẹkemede ndiwụt ke imama kiet eken edi ndisisop idem ọtọkiet. Ẹbahade mmọ ẹdọn̄ ke nsio nsio esop, ndien mmọ ẹsisop idem ẹkpono Abasi kpukpru urua. (1 Corinth 16:19) Mmọ ẹdiana kiet ke ofụri ererimbot nte nditọete.—1 Peter 2:17.

Ikụreke ke ndika ufọkabasi

 Kpa ye oro Bible ọdọhọde mme owo ẹsisop idem ẹkpono Abasi, enye idọhọke ke owo ndisika ufọkabasi kpọt edinam enye enem Abasi esịt. Ana se owo ekpepde ke ufọkabasi anam enye odu eti uwem. Ke uwutn̄kpọ, Bible ọdọhọ ete: “Orụk utuakibuot oro asanade mînyụn̄ ideheke ke enyịn Abasi Ete nnyịn edi: ndise mban̄a nditọakpa ye mme ebeakpa ke ukụt mmọ, ndinyụn̄ n̄kpeme idem nnana ntọi ke ererimbot.”—James 1:27.