Wi, pas Bondyé vlé kè nou réini-nou pou nou adoré-y. Labib ka di : « An-nou voyé zyé yonn asi lòt pou yonn pé sa pousé lòt ni lanmou é fè sa ki bèl » (Ébré 10:24, 25).

 Mi sa Jézi di pou montré kè disip a-y té’é fòwmé on gwoup òwganizé : « Sé konsa toutmoun ké sav zò sé disip an mwen : si zò ni lanmou yonn pou lòt » (Jan 13:35). Pou sé krétyen-la, on biten enpòwtan yo té pé fè pou montré lanmou-lasa, sé té réini-yo èvè dòt moun ki té ka sèvi Bondyé kon yomenm. Yo té’é fòwmé plizyè lasanblé diféran, é yo té’é pran labitid réini-yo pou adoré Bondyé ansanm (1 Korentyen 16:19). Yotout ansanm té’é fòwmé on gran fanmi asi tout latè (1 Pyè 2:17).

A pa tou di rantré adan on rèlijyon

 Menmsi labib ka montré-nou kè fò-nou réini-nou pou adoré Bondyé, i pa ka di kè on moun ka fè Bondyé plézi sèlman paskè i adan on rèlijyon. Pou on moun fè Bondyé plézi, fò i ka mèt an pratik sa rèlijyon a-y ka anségné, é fò i fè sa touléjou adan vi a-y. Pa ègzanp, mi sa Labib ka di : “Rèlijyon-la ki pwòp é ki san tach an zyé a Bondyé, ki sé Pap’an nou, mi mi-y : pran swen a sé timoun-la ki san manman é ki san papa, pran swen a sé vèv-la adan éprèv a yo, é fè atansyon pou mond-la pa mèt pon tach asi zòt” (Jak 1:27, gadé nòt-la ki an fransé la).