Lebelebe, kubuno Kalaga ekutunda bantu bakundamanage gamozi kwa kumukumbamina. Biblia byatusolela bunee: “Tulindanie bweitubweitu buno tube na lutundo nu makitilo masoga. Tatulekele kukundamana gamozi.”​—Baebrania 10:24, 25.

 Yesu atendile buno beigisibwa bage bekaba mu kibombo kyalongekwa busoga kwa kubasolela bunee: “Ku kitondo kikino, bantu bansania bamenye buno muli beigisibwa bane, ndi muli na lutundo bweinyubweinyu.” (Yoana 13:35) Beigisibwa ba Yesu benalosizye lulo lutundo mu nzila nene kwa kukundamana gamozi na bakatizia banyabo. Benalongekilwe mu makundamano nu kukundamana mambizi mingi kwa kukumbamina Kalaga. (1 Bakorinto 16:19) Kasi bansania benakitile musanganano munene wa mibuto mu kisi kinsania.​—1 Petro 2:17.

Kuli tondi bingo byasegwa gantata na kuba mwidini kishembe

 Aba bubo bwalosya Biblia buno muntu atunganana kukundamana kwa kukumbamina Kalaga, tondo tabigisya buno Kalaga ekwitabizyaga muntu wamenywa tugu buno ekubezaga w’idini kishembe. Buno muntu itabizibwe na Kalaga, meigisya m’idini lyage matunganana kumoneka mu binsania byekukita mu kalamo kage, anga bubo bwatenda Biblia: “Meigisia masoga nunse nu meteli na nsese lwabusio lwa Kalaga Tateiswe, u mamano, kutabangila nkubi nu misigala mu tubebe twabo, nu kwidanga na bitondo bibi bya kisi.”​—Yakobo 1:27.