Jo, jimboka Tata Diosï uékasïnga eskaksï kʼuiripuecha tánguarhiaka para imani kómarhini. Biblia uandasïndi: “Ka jaue jirinhatsperantani modu nani engachi na uaaka jarhuatperani parachi úni uékperani ka ambakiti ambe úni. Ka jaue no kueratani siemprini tánguarhini” (Ebreu 10:24, 25).

 Jesúsi uandaspti eskaksï imeeri chúxapaticha kúnguarhikuarhuksï ma japiringa ka eskaksï májku kʼéri kómarhipiringa Tata Diosïni. Jimbosï arhiapti: “Ka ini jimboksï míteati iámindu kʼuiripuecha eskajtsï jindeeska juchiiti jorhenguarhiticha engajtsï uékperaaka máteru ka máteruni jingoni” (Juanu 13:35). Paraksï uékperakua xarhatatsperani, Kristueri chúxapatichaksï jatsipirindi para máteru Kristianuecha jingoni jarhani. Ka para ísï úni, jatsipirindiksï para kúnguarhikuecha jimbo jarhani ka somenksï tánguarhini para kómarhini Tata Diosïni (1 Korintu 16:19). Ka ísïksï niárapirindi jindeeni ma familia interu parhakpinirhu (1 Pedru 2:17).

Uétarhisïndi úni máteru ambe ka no solu relijioni ma jimbo jarhani

 Biblia uandasïndi eskaksï kʼuiripuecha jatsiska para tánguarhintani paraksï kómarhini Tata Diosïni. Peru no nani uandasïndi eska Tata Diosï sési exesïnga kʼuiripuni ma nomasi jimboka relijioni ma jimbo jarhaska. Para Tata Diosï jaiapanhentani kʼuiripuni ma, uétarhisïndi eska ima mójtakuaka imeeri irekuani. Biblia uandasïndi: “Para sésimindu janhanharhini Diosï Taatini nómbe kʼamanharhintskua jingoni, jindeesti para jarhuataani uerandi jupindichani, ka ístu tsïndichani engaksï no sési úkuarhinchani jarhajka, ka ístu para kuájpikuarhini para nómbe kʼamanharhintskua jatsini parhakpini anapu ambe jimbo” (Santiagu 1:27).