ლითონის მასალა C საცხოვრებელი სახლის სახურავის კარკასისთვის.

ხედი სამხრეთიდან; უკანა პლანზე მოჩანს ლურჯი ტბა, ხოლო წინა პლანზე ვხედავთ, როგორ სრულდება B საცხოვრებელი სახლისთვის საძირკვლის ჩასხმა. სამშენებლო ობიექტზე ერთდროულად 13 ამწე მუშაობს.

ფოლადის შველერები და ძელები გამზადებულია კარკასის ასაწყობად. ასეთი ტიპის რკინის კონსტრუქციები დიდი და ფართე დარბაზების აშენების საშუალებას იძლევა; ამავე დროს, აჩქარებს პროექტის დასრულებას.

C საცხოვრებელი სახლის სახურავისთვის აგებული ლითონის კარკასი მეტალითა და წყალგაუმტარი მასალით იფარება. უკანა პლანზე ვხედავთ, როგორ აგებენ ნახევარგანიან სახურავის კარკასს.

კონტრაქტორები ფოლადის შველერებით აგებენ კარკასს. შენობის ამ ნაწილში განთავსდება სამზარეულო, სასადილო, სამრეცხაო და სხვა სახის მომსახურებისთვის საჭირო განყოფილებები.

ძმას, რომელიც საკანალიზაციო ჭაში მუშაობს, საწმენდ ჯაგრისს აწვდიან.

საცდელი კედელი, რომელიც იმ მიზნით აიგო, რომ განესაზღვრათ, როგორი უნდა ყოფილიყო აგურისა და დუღაბის გამოყენების შედეგად კედლის ფასადი. ის აგრეთვე ნიმუშად გამოიყენებოდა ახალმოსული კალატოზებისთვის. მისი საჭიროება უკვე აღარ არის, ამიტომ შლიან.

ასაწყობი ტიპის სახურავის ერთ ნახევარს ამწეთი დებენ შენობაზე. სამკუთხა ფორმის სახურავი გაალამაზებს შენობის ფასადს.

ამწეთი ჩამოაქვთ 95 000 ლიტრიანი ავზი, რომელიც საწვავისთვისაა განკუთვნილი. მსგავსი ავზების მეშვეობით მოხდება ბოილერების საწვავით მომარაგება.

ფოტოზე ნაჩვენებია შენობის სამხრეთ ფასადი. სურათის მარჯვენა კიდეში ჩანს ლურჯი ტბა. შენობის ფასადის გასალამაზებლად ხდება სხვადასხვა ფერის წინასწარ გამზადებული მასალის გამოყენება.

სანტექნიკოსი წყვილი ამონტაჟებს საკანალიზაციო მილებს, რის შემდეგაც ზედაპირზე ბეტონს დაასხამენ.

მოხალისეები წმენდენ დათოვლილ სახურავს.

კიდევ ერთი სანტექნიკოსი წყვილი წყალგაყვანილობის სისტემის გეგმას ამოწმებს.

სამუშაოები აქტიურად მიმდინარეობს. ხდება ბეტონის ყალიბების აწყობა და ბეტონის ჩასხმა. სურათის მარცხენა კიდეში ჩანს მშენებარე ადმინისტრაციული შენობა. მისი გარკვეული ნაწილი დაფარულია სპეციალური ბრეზენტით, რათა ხანძარდამცავი მასალისა და ჩასხმული ბეტონისთვის საჭირო ტემპერატურა იყოს შენარჩუნებული. ამგვარად სამუშაოები ზამთარშიც შეუფერხებლად მიმდინარეობს.

კედლის პანელების დამაგრებამდე მშენებლები ორთქლგაუმტარი მასალით ფარავენ ბეტონის ფილებსა და სვეტებს.

დასავლეთით ასეთი ხედია გადაშლილი. სურათის ბოლოში ჩანს საცხოვრებელი სახლები, ცენტრში კი, მარჯვენა მხარეს — თეთრი ფერის ადმინისტრაციული შენობა. დაახლოებით 100 ჰექტარი მიწიდან მშენებლობისთვის 20 პროცენტზე ნაკლები იქნა გამოყენებული, რაც საშუალებას გვაძლევს, ირგვლივ მდებარე ტყე ხელუხლებელი დავტოვოთ.

აღმოსავლეთით ასეთი ხედი იშლება. წინა პლანზე ვხედავთ C და D საცხოვრებელ შენობებს. სრულდება სამუშაოები C საცხოვრებელი სახლის სამკუთხა სახურავზე, რომელზეც ლითონის პანელებს ამაგრებენ.

დურგალი აგებს ლამინატს იმ ოთახში, რომელიც ნიმუშად გამოიყენება. წინასწარ მოწყობილი 4 ასეთი ოთახი ნიმუშად იქნება აღებული საცხოვრებელი სახლების ოთახების მოსაწყობად. სანიმუშო ოთახებისთვის წინასწარ არის შერჩეული საღებავი, ხალიჩა, ლამინატი, კაფელი და სამზარეულოს ინვენტარი.

მშენებელი ხელით ასწორებს ბეტონის ზედაპირს, რათა იატაკს ისეთი დაქანება ჰქონდეს, რომ წყალი ჩასადინარში ადვილად ჩავიდეს.

ტექნიკოსს, რომელიც 77 წლისაა, მრავალწვერიანი ოპტიკურ-ბოჭკოვანი კაბელი გაჰყავს. იმ დროისთვის, როცა ეს პროექტი დასრულდება, მთლიანობაში 32 კილომეტრი სიგრძის კაბელი იქნება გაყვანილი.