Naa nda cho yindɔ ŋchiliŋndo toosiaa lɛŋ le handɔɔ o chiɛi malɔ 3 choo wa.

Fotuei nda sim o lɛŋnde fondoleŋ amatou ma chua wo. Bundɔɔ cho amaluaŋ a mɛŋma ibuŋgama nda veelu aa Blue Lake waŋ. Maasiila bɛndulaŋ 13 la cho wallo a teleŋ pilɔɔ kpe. A cho siimɛndiiyo dɔwɔɔ lɛŋ o fonda cho o hɔlndɔ wo, le chiɛi 2 taŋgullo.

Chiliŋndoŋ chuu bɛɛndiaa le chiɛiyo simioo. Chiliŋuŋ nda chii niŋ muŋ bɛɛndiaa le chiɛi lawallo toosiaa woŋ nɔla miŋ mala mi lumuilaŋ la wa fɛkɛi nduyɛ mi wallo keleŋa tosaŋ.

Wanaa walla cho yindɔ nda chua lɛŋ ndo siouwo kpɛlɛkiaa le chiɛi malɔ 3. A cho nyɔɔ handɔɔ lechoo yɔŋii o lul. A cho vɛlɛ yindɔ pɔmbɔɔ bɛɛndiaa amakɔɔ a o ba miallo choo.

Wanaa taŋgulaa cho chiliŋuŋ nda tosa le suŋgbuaŋ ndoŋ bɔɔŋiaa naapilɛ ma yiu yiu. Kumbuii nda cho hei toosiaa o ba miallo choo amakɔɔ ve cho nɔ naa yawaa, naa diaa nyɛdiaa, naa nda tuaa nyɛlaŋ nda, a fondaŋnda cheleŋndaŋ.

A cho wana wali cho fonda mɛŋma nɔɔlɛiyaŋ ma keeku wo toosiaa wo bɛsoo kioo.

Chiyii nda taŋgul le chɔmndo mɛɛ nda nɔ ma bɔɔŋiaa kpilikioŋ o sɔŋgilaŋ yɛ, kɔɔle siimɛndiiyo, vɛlɛ a mɛɛ nda nɔ ma chɔu kpilikioŋ yɛ. Chiiye hei koni nda soliŋ vɛlɛ kpeku ni le wanaa taŋgulaa sɛnɛiya pɛɛkoo. Kɛ a cho ndi puusiaa kanifuule, i chii wali ndii nɔ le tosaa wo tosa.

Maasiiyo cho yindɔ pɔmbɔ nda toosiaa lɛŋ ndo heeloo o chiɛiyo choo. Yindɔla cho o chiɛiyo hoo choo laŋ la naŋ bɔɔ nuaa kɔɔli kɔɔli.

A cho naa nda duau bɛŋsiiyaŋ a chuɛima nda wou o nyɛm nyaanaŋndo niŋnda kɛsioo. Nyɔɔ hoo nɔla mbo chua bɛŋsiiyaŋ litililaŋ 95,000 ɔɔ bidoŋndaŋ 25,000. Bɛŋsiima cho wa o nyɔɔ hoo niŋndaŋ nda maasiila yawaa mamɛŋndaŋ la cho wa soliŋndo kpeku ni le mɛŋndaŋ yauwo.

O kpeŋgii batouwo nda sim ni ma chua chiɛiyo hoo fotueiyo. Mɛŋma ibuŋgama nda veelu aa Blue Lake waŋ ma cho o sɔŋgileŋ niŋ o ba kɛndɔɔ choo. A cho wɔ ndu bɛɛndiaa o kɔɔ a nyɛm teŋgeŋ teŋgeŋndoŋ le mbo chɔɔlu naŋɔɔ.

Pɔnɔɔ a lanɔɔ cho nyɛla mɛŋndaŋ ma keilaŋ simioo le siimɛndiiyo dɔwɔɔ ma toosiaa kumboo.

Waŋnda cho mɔm ikpuŋgbaa faaŋiaa o chiɛiyo choo.

Pɔnɔɔ a lanɔɔ cho yau nda tuuliaa lechoo le mɛŋndaŋ lueiyo chiɛɛniŋndo tofaa.

Taŋgullo cho hiouwɔɔ lachi mi che bɛɛ mɔmndo cho chuchɔɔ. A cho kɔlaŋ a siimɛndiiyo dɔwɔɔ lɛŋ. O ba miallo choo a maluaŋ, a holi manaŋndaŋ o chiɛiyo yɔŋii mɔmndo kuuna nda waltaŋ lapum tosaa mɛɛ siimɛndiiyo dɔwɔɔ lɛŋ cho naa yɛ, a nyɛm kuuna yiŋndeŋ biyɔɔ chiɛiniŋ ndoŋ.

Wanaa taŋgulaa cho nyɛ kuuna mɛŋndaŋ luɛiyɔɔ o chiɛiyo wo suiyo o chiiye, le holɔɔ nyɛ mɛɛlaa o kɔɔ.

Fotuei nda chua choo choo ba paaleŋ le dello wo. Chiɛila malɔ laŋ la cho o fotueiyo amaluaŋ. Chiɛi humbu bɛndu cho tiŋ tɛɛŋ ndo cho fonda nda tosa wallo wo ni. Lɛŋndeŋ ndeŋ le cho le hekɛilaŋ 100, kɛ nyɛɛmbɔ koni nda taŋgul ni ma mɛi yondoo.

Fotuei nda chua choo choo ba paaleŋ le chaŋndo. Chiɛila malɔ 3 a o 4 cho laŋ o fotueiyo amatou ni. Wanaa taŋgulaa cho siouwo yindɔɔ toosiaa o chiɛi malɔ 3 choo.

Kaapindɛinɔɔ cho nyɔɔ handɔɔ lɛŋ o lumuiyo niŋ le tuuwo. Le lumui kɛ kɛ o chiɛi malɔɔ niŋ, a cho soliŋ nyɛm nda chii niŋ muŋ tuu woŋ kpeku. Muŋ cho ni, pɔu nɔ kɔɔleŋ yɛ yɛ wo, kapɛtiiyo ɔɔ tapiiyo, pɛŋgɛŋ nda kpɔlɔka le dɔwɔɔ lɛŋ ndoŋ, taalaŋ ɔɔ kaloolaŋ, a fondaŋnda nda handu nyɔɔŋ lechoo laŋ.

Wana taŋgulaa cho siimɛndii nda dɔu lɛŋ ndo tɛlɛkiaa a ba le mi fondaa yɔŋnuŋ tɛlɛlɛ.

Fal wɔsila 77 wo cho kpɛile nɔ nyɔɔŋ leniŋ le intanɛtiiyo ɔɔ yiŋnde chɛnɛwɛileŋ ndo bayiaa. Tuupa mi taŋgullo chuu, kpɛyii waa ndoo i nda cho soliŋ kpeku ve wa bandei le kilolaŋ 32 ɔɔ mɛɛliilaŋ 20.