Akulumikiza zitsulo zoti adzaike padenga la ku Nyumba Yogona C.

Chithunzi chojambulidwa kuchokera kum’mwera n’kuyang’ana kumpoto komwe kuli nyanja ya Sterling Forest kapena kuti Blue Lake. Nthawi zina mashini okwezera zinthu m’mwamba okwana 13 ankagwira ntchito nthawi imodzi. Pachithunzichi anthu akuthira konkire kuti ayale maziko a Nyumba Yogona B.

Zitsulo zoti ziikidwe panyumbayi. Adzagwiritsa ntchito zitsulo zambiri panyumba imeneyi n’cholinga choti ikhale yamphamvu komanso imangidwe mwachangu.

Anthu akulumikiza denga limene lidzaikidwe pa Nyumba Yogona C. Akuika malata komanso zinthu zina zoteteza kuti madzi asamadzalowe. Chakumanzereko, anthu akulumikiza mbali inanso ya dengali.

Anthu akuika zitsulo za kumbali yakum’mwera chakumadzulo kwa nyumbayi. Mbali imeneyi kudzakhala khitchini, chipinda chodyera, dipatiment yochapira zovala ndiponso madipatimenti ena.

Munthu amene akuika zolumikizira mapaipi odutsamo zinthu zonyansa, akulandira tsache.

Khomali analipanga mongoyerekezera n’cholinga choti asankhe njira yoti adzayalire njerwa komanso mtundu wa matope amene adzagwiritse ntchito. Anagwiritsanso ntchito khomali kuti likhale chitsanzo kwa anthu atsopano omwe anabwera kudzayala nawo njerwa. Pachithunzichi, akulichotsa chifukwa zimene ankafunazo zatheka.

Mashini okweza zinthu anyamula mbali ina ya denga ndipo akuiika pamalo ake. Denga losongoka limene lidzakhale kumapeto kwa nyumba iliyonse yogona lidzathandiza kuti nyumbayo izioneka bwino.

Thanki limene limalowa malita 95,000 a mafuta likuikidwa pamalo ake. Mafuta a m’matankiwa azidzagwiritsidwa ntchito m’makina otenthetsera madzi komanso nyumba.

Chithunzi chosonyeza mbali yakum’mwera ya nyumbayi ndipo nyanja ija ikungooneka pang’ono kumanzere kwa chithunzichi. Nyumbayi aikongoletsa pogwiritsa ntchito mitundu yosiyanasiyana ya penti.

Banja lina likugwira ntchito limodzi poika mapaipi a madzi kuti anthu ena ayambe kuthira konkire.

Akuchotsa sinowo, kapena kuti chipale chofewa, padenga.

Banja linanso likuona pulani ya mapaipi a madzi.

Ngakhale kuti nyengo sili bwino, anthu akugwirabe ntchito yokumba, akuika zitsulo pokonzekera kuthira konkire ndipo pamalo ena akuthira konkire. Pamwamba chakumanzere kwa chithunzichi atseka malo ena a nyumba ya maofesi ndi malona n’cholinga choti pa nyengo yozizira apitirize kugwira ntchito zina monga kuthira konkire kuti apange makonde ndiponso kupaka zotetezera moto.

Anthu akumata zoteteza kuti madzi asamalowe pamakoma. Kenako adzaika zinanso kuti kunja kwa nyumbayo kuzioneka bwino.

Chithunzi chojambulidwa kuchokera m’mwamba moyang’ana kumadzulo. Nyumba zogona n’zimene zikuoneka zazitalizo. Nyumba yaikulu imene ikuoneka yoyerayo chapakati pa chithunzichi ndi maofesi ndiponso malo a zinthu zina. Malo onse a ku Warwick ndi a maekala 253 koma akumanga pambali yochepa chabe n’cholinga choti asawononge kwambiri nkhalangoyo.

Chithunzi chojambulidwa kuchokera m’mwamba moyang’ana kum’mawa. M’munsi mwa chithunzichi mukuoneka Nyumba Zogona C ndi D. Anthu akuika denga la Nyumba Yogona C.

Munthu wina akuika zinthu zooneka ngati matabwa pansi m’chipinda chimene adzagwiritse ntchito monga chitsanzo. Anthu adzatha kusankha pakati pa mitundu 4 ya penti, matailosi, zinthu zina zoika pansi, zoika m’khitchini ndiponso m’bafa.

Akumalizitsa kusalaza konkire ndi manja kuti malowo akhale otsetsereka pang’ono n’cholinga choti madzi akagwerapo asamangoima.

Bambo wina wazaka 77 akulumikiza nthambo ya magetsi yokhala ndi timawaya tambiri. Pamalo onse padzafunika kuikidwa nthambo ngati zimenezi zotalika makilomita 32.