Sibiila haphii fayyadamuudhaan bakka jireenyaa Cdhaaf sibiila baaxiin irratti hidhamu dursanii utuu oomishanii.

Bakki ijaarsaa kallattii kibbaa irraa yommuu ilaalamu, kallattii kaabaatiin haroo Istarliing Foorest Leektu (Biluu Leek) mulʼata. Kireenonni 13 ol yeroo tokkotti hojii hojjechaa jiru. Fakkicha irraa gara fuulduraatti kan mulʼatu immoo buʼuura bakka jireenyaa Bdhaaf koonkiriitiidhaan guutamaa jiruu fi xumuramaa jiru dha.

Utubaawwan sibiilaa hojii irra ooluuf qophaaʼanii jiran. Akkaataa sibiilonni kun ijaarsa Waajjiraalee/Gamoowwan Tajaajila Garaa Garaa irratti hojii irra itti oolan, kutaan isaa balʼaa akka taʼuu fi hojiin ijaarsichaa akka saffisu taasisa.

Hojjettoota sibiila baaxiin irratti hidhamuu fi dursee qophaaʼe, qorqorroon irra afamee fi meeshaan bishaan hin galchine itti maxxanfamee fi bakka jireenyaa C irratti hidhamuuf jedhu walitti qabsiisaa jiran. Karaa duubaa fi karaa bitaa immoo sibiilli booda hidhamu sun ijaaramaa jira.

Koontiraaktaroonni karaa kibba dhiha gamichaa dagalee sibiilaa ijaaraa jiru. Kutaan gamichaa karaa kanaan jiru iddoo nyaata itti bilcheessan, iddoo itti nyaatan, iddoo uffata itti miicanii fi diippaartimantoota kaan kan qabatu dha.

Hojjetaa karaa kosiin ittiin yaaʼu hojjechaa jirutti harataan yommuu itti kennamu.

Keenyan gosa rogaa, halluu simmintoo fi akkaataa itti bilookkeetii wal irra kaaʼan adda baafachuuf yaaliidhaaf ijaaramee ture. Akkasumas gimbanyoota haaraa dhufan ittiin barsiisuufis hojii irra ooleera. Amma, keenyan kun hojii isaa erga fixee booda diigamaa jira.

Baaxiin manaa dursee qophaaʼe kireeniidhaan iddoo isaa kaaʼamaa jira. Baaxiiwwan manaa qarqara manneen jireenyaa irra jiran manichi yeroo fagoodhaa ilaalamu bareedinni isaa akka dabalu taasisu.

Kuusaan bobaʼaa liitira 95,000 qabatu iddoo isaa kaaʼamaa jira. Bobaʼaan kuusaa kana keessa jiru, meeshaa wantoota garaa garaa danfisuuf humna kenna.

Gamichi garaa kibbaa yeroo ilaalamu, karaa mirga suurichaa qarqaraan kan mulʼatu immoo haroo Biluu Leeki dha. Argaan gamichaa akka bareedu taasisuuf halluuwwan garaa garaa fi meeshaaleen xumuraa garaa garaa hojii irra oolaa jiru.

Abbaan manaa fi haati manaa hojii ujummoo diriirsuu hojjetan, simmintoon irratti guutamuu isaa dura ujummoo bishaan keessa yaaʼu qopheessaa jiran.

Cabbii baaxii irraa qulqulleessuu.

Abbaa manaa fi haadha manaa kan biraa pilaanii toora bishaanii ilaalaa jiran.

Boolla qotuun, utubaa dhaabuunii fi koonkiriitii simmintoodhaan guutuun guyyaa cabbiin roobaa jirutti hojjetamaa jira. Karaa olii bitaa suurichaatiin kan mulʼatu, kutaa Waajjiraalee/Gamoowwan tajaajila garaa garaa siʼa taʼu, laastikii cimaadhaan haguugameera. Kun immoo hojiiwwan haala qilleensaa murtaaʼe keessatti hojjetamuu qaban kan akka barandaadhaaf simmintoo guutuu fi hojii ibidda akka dandamatu taasisuuf hojjetaman hojjechuuf dandeessisa.

Hojjettoonni wanta keenyan irratti karaa alaa maxxanfamu utuu hin maxxansin utubaawwan simmintoo fi qarqara dhagaawwanii irratti laastikii hurka hirʼisu maxxansaa jiru.

Gara kallattii dhihaatti asii gadi yommuu ilaalamu. Iddoon jiraattonni jiraatan karaa olii suurichaatti argama. Gamoo guddaa adiin walakkaa suurichaatti argamu immoo Waajjiraalee/Gamoowwan tajaajila garaa garaa ti. Ijaarsi kun kan raawwatamu lafa hektaara 100 qabeenya dhaabbattichaa taʼe keessaa dhibbeentaa 20 isaa irratti qofa dha; kunis kan taʼe bosona naannoo sana jiru akka hin miineefi dha.

Gara bahaatti asii gadi yeroo ilaalamu; gara gadii suurichaatti kan argamu bakka jireenyaa C fi D dha. Bakka jireenyaa C irratti koontiraaktaroonni baaxii roga sadii qabu sibiilaan ijaaranii xumuraniiru.

Hojjetaa mukaa kutaa yaaliidhaaf qophaaʼe keessatti afata mukaa lafa irratti maxxanfamu maxxansaa jiru. Tokkoon tokkoon bakka jireenyaatiif, miʼoota dursanii filataman afur keessaa tokkotu hojii irra oola. Kun immoo gosa halluu, afata, pilaastikii lafa afamu, suphee lafa irra afamuu (tile) fi miʼa diriiraa kutaa nyaata itti bilcheessan keessatti iddoo itti nyaata qopheessan irra afamu dabalata.

Lafti simmintoodhaan guutame bishaanni akka irra hin ciisneef, harkaan xumuramaa jira.

Teeknishaaniin umuriin isaa waggaa 77 taʼe shiboo diriirsaa jira. Hojii ijaarsaa kana xumuruuf shiboowwan akkasii gara kiilomeetira 32 dheeratantu hojii irra oola.