Amafoto y’i Warwick (Igice cya 2: Nzeri – Ukuboza 2014)
Aya mafoto agaragaza ukuntu imirimo yo kubaka icyicaro gikuru cy’Abahamya ba Yehova yagiye ikorwa kuva muri Nzeri kugeza mu kwezi k’Ukuboza 2014.
Reba uko amazu y’i Warwick azaba ameze igihe azaba yuzuye. Dore uko akurikirana:
Igaraji
Parikingi y’abashyitsi
Inzu Urwego Rushinzwe Kwita ku Mazu n’Ibikoresho ruzakoreramo ikaba irimo na parikingi y’abagize umuryango wa Beteli
Inzu y’amacumi ya B
Inzu y’amacumi ya D
Inzu y’amacumi ya C
Inzu y’amacumi ya A
Inzu y’ibiro ikorerwamo n’indi mirimo
Tariki ya 11 Nzeri 2014—Parikingi y’abashyitsi
Ibyuma bazakoresha igisenge cy’inzu y’amacumbi ya C.
Tariki ya 18 Nzeri 2014—Ku kibanza cy’i Warwick
Uturutse ahagana hepfo ureba haruguru, witegeye ikiyaga cy’Ubururu. Ibyuma 13 bimuzamura ibikoresho, byose bikorera icyarimwe. Aho hakwegereye harimo haramenwa beto ya fondasiyo y’inzu y’amacumbi ya B.
Tariki ya 26 Nzeri 2014—Inzu y’ibiro ikorerwamo n’indi mirimo
Inkingi z’ibyuma bagiye gushinga. Kubakisha izo nkingi z’ibyuma bituma mu nzu haboneka umwanya munini kandi bikihutisha imirimo y’ubwubatsi.
Tariki ya 9 Ukwakira 2014—Ku kibanza cy’i Warwick
Abakozi barimo barateranya igisenge cy’inzu y’amacumbi ya C. Ahagana inyuma i bumoso barimo barateranya uruhande rumwe rw’igisenge.
Tariki ya 15 Ukwakira 2014—Inzu y’ibiro ikorerwamo n’indi mirimo
Abakozi bapatanye bashinga inkingi z’ibyuma. Iyi nzu izaba irimo igikoni, icyumba cyo kuriramo, imesero n’izindi nzego z’imirimo.
Tariki ya 15 Ukwakira 2014—Ku kibanza cy’i Warwick
Umuvandimwe uhereza uburoso undi muvandimwe utunganya amatiyo ajyana amazi mabi.
Tariki ya 20 Ukwakira 2014—Ku kibanza cy’i Warwick
Uru rukuta rwari rwarubatswe kugira ngo barebereho uko amatafari azaba yubatse n’uko isima yo hagati y’amatafari izaba isa. Nanone abubatsi bashya ni rwo bareberegaho kugira ngo bubake izindi nkuta. Ubu akazi k’urwo rukuta kararangiye, none barimo bararusenya.
Tariki ya 31 Ukwakira 2014—Inzu y’amacumbi ya C
Icyuma giterura ibikoresho kirimo kuzamura igisenge cy’uruhande rumwe. Igisenge cya mugongo wa tembo gituma inzu igaragara neza.
Tariki ya 7 Ugushyingo 2014—Inzu Urwego Rushinzwe Kwita ku Mazu n’Ibikoresho ruzakoreramo ikaba irimo na parikingi y’abagize umuryango wa Beteli
Batereka hasi ikigega cya lisansi kijyamo litiro 95.000. Lisansi iri muri ibyo bigega izakoreshwa n’ibyuma bishyushya amazi.
Tariki ya 12 Ugushyingo 2014—Inzu y’amacumbi ya C
Ureba ku ruhande rwo mu majyepfo rw’iyo nzu. Ahagana iburyo hari Ikiyaga cy’Ubururu. Amabara atandukanye y’ayo mazu atuma agaragara neza iyo uyarebeye kure.
Tariki ya 21 Ugushyingo 2014—Inzu Urwego Rushinzwe Kwita ku Mazu n’Ibikoresho ruzakoreramo ikaba irimo na parikingi y’abagize umuryango wa Beteli
Umugabo n’umugore barimo baratunganya amatiyo y’amazi ahazamenwa beto.
Tariki ya 28 Ugushyingo 2014—Inzu y’ibiro ikorerwamo n’indi mirimo
Bakura urubura ku gisenge.
Tariki ya 1 Ukuboza 2014—Inzu Urwego Rushinzwe Kwita ku Mazu n’Ibikoresho ruzakoreramo ikaba irimo na parikingi y’abagize umuryango wa Beteli
Undi mugabo n’umugore bareba ku gishushanyo mbonera aho amatiyo y’amazi azanyura.
Tariki ya 10 Ukuboza 2014—Inzu Urwego Rushinzwe Kwita ku Mazu n’Ibikoresho ruzakoreramo ikaba irimo na parikingi y’abagize umuryango wa Beteli
Baracukuye, bashyiraho iforomo zo gufata beto kandi bamena beto mu gihe urubura rwagwaga. Ku ifoto hejuru ahagana i bumoso, ni ku nzu y’ibiro ikorerwamo n’indi mirimo. Bahatwikirije ibintu by’umweru bya pulasitiki kugira ngo amazi n’urubura bitabangamira imirimo imwe n’imwe urugero nko kumena beto n’ibindi.
Tariki ya 12 Ukuboza 2014—Inzu y’amacumbi ya D
Abakozi bashyira ku nkingi za beto ibintu bituma zitinjirwamo n’amazi.
Tariki ya 15 Ukuboza 2014—Ku kibanza cya Warwick
Ifoto yafatiwe mu kirere. Ahagana haruguru ku ifoto hari amazu y’amacumbi. Inzu nini y’umweru iri ahagana hagati ku ifoto ni inzu y’ibiro ikorerwamo n’indi mirimo. Ubundi iki kibanza cyose gifite hegitari zigera hafi ku 100, ariko ayo mazu yubatse ku buso bungana na 20 ku ijana. Ahandi hasigaye baharekeye ishyamba.
Tariki ya 15 Ukuboza 2014—Ku kibanza cya Warwick
Ifoto yafatiwe mu kirere igaragaza inzu y’amacumbi ya C n’iya D ziri ahagana hasi ku ifoto. Ku nzu y’amacumbi ya C abakozi bapatanye barimo barashyiraho igisenge cya mugongo wa tembo.
Tariki ya 25 Ukuboza 2014—Inzu y’amacumbi ya C
Umuvandimwe usasa imbaho mu nzu. Hari uburyo bune bwateganyijwe bwo gukora finisaje yo hasi muri buri cyumba. Umuntu ashobora guhitamo ko bahasiga irangi, bashyiramo itapi, imbaho n’amakaro, agahitamo n’uko igikoni kizaba giteye.
Tariki ya 31 Ukuboza 2014—Inzu y’ibiro ikorerwamo n’indi mirimo
Bakora finisaje n’intoki kugira ngo bagene aho amazi azajya atemba agana.
Tariki ya 31 Ukuboza 2014—Inzu y’amacumbi ya C
Umutekinisiye ufite imyaka 77 ushyiramo insinga zizakoreshwa mu bihereranye n’itumanaho. Iyi mirimo izarangira hamaze gushyirwamo insinga zireshya n’ibirometero 32.
Ibindi wamenya
IMISHINGA Y’UBWUBATSI
Amafoto y’i Warwick (Igice cya 1: Gicurasi-Kanama 2014)
Reba aho imirimo yo kubaka igaraji, inzu y’ibiro ikorerwamo n’indi mirimo n’inzu y’amacumbi ya C na D igeze.
IMISHINGA Y’UBWUBATSI
Amafoto y’i Warwick (Igice cya 3: Mutarama – Mata 2015)
Muri Gashyantare hakoraga abakozi 2.500 buri munsi, naho buri cyumweru hakaza abakozi bashya bagera kuri 500. Irebere aho imirimo yo kubaka igeze.
Igitabo nyamwaka cy’Abahamya ba Yehova 2015
Imirimo ikomeje kwihuta i Warwick
Menya ukuntu abakorera ahubakwa icyicaro gikuru gishya cy’Abahamya ba Yehova baba bishimye.
IMISHINGA Y’UBWUBATSI
Aho kubaka Warwick bigeze #1
Imirimo ikomeje gukorwa i Warwick, muri New York, ahazaba icyicaro gikuru cy’Abahamya ba Yehova. Irebere icyo bamwe mu Bahamya bitangiye kuhakora bavuga.
IMISHINGA Y’UBWUBATSI
Aho kubaka Warwick bigeze #2
Abitangiye gukora imirimo baturuka hirya no hino ku isi baje kubaka ahazakorera icyicaro gikuru cy’Abahamya ba Yehova.