J-aʼteletik yakik ta stsʼakel cerchas (tsʼamteʼ) yuʼun te sba wayibal naetik C sok yakik ta stuuntesel fierro yuʼun asero.

Ya xchiknaj ta ilel te mukʼul pamal jaʼ Sterling Forest (Blue Lake) ta stojol sur te banti yak ta pasel te aʼtelile. Liʼ ini yichʼoj tuuntesel 13 ta kojt grua ta junax yorail. Ta olil tal yuʼun te foto ya xchiknaj te yakik ta yakʼbeyel sementoil ta swenta yiptajib te wayibal naetik B.

Yoyal naetik sok stsʼamteʼal pasbil ta asero chapalix yuʼun ya yichʼ tuuntesel. Te bitʼil yichʼoj tsʼaktiklanel te bintik ya xtuun ta spasel te nae, ma bayaluk ya smak lugar ta yeʼtal, jaʼ yuʼun ya xjuʼ ta pasel ta yorail te aʼtelile.

Jtsojb j-aʼteletik yakik ta spasel jmajkʼ te bitʼil ya xjil te sba te wayibal naetik C te yichʼoj lamina, te sba lamina ya spotsik ta pakʼ te ma xyakʼ ochel jaʼe. Ta jejch jajchemix ta pasel jmajkʼxan te sba nae.

Chaʼoxtul j-aʼteletik yakik ta slapʼel chaʼoxchʼix tsʼamteʼ yuʼun asero ta xujk te mukʼul na ta suroeste, te banti ya xjil te kosina, weʼibal na, snail sakʼojibal pakʼ sok yantikxan departamento te ya xkoltaywanik.

Ay machʼa yak ta yakʼel tut eskoba ta stojol jtul j-aʼtel te yak ta schajpanel te drenaje.

Te pajkʼ ini la yichʼ pasel yuʼun ya yichʼ ilel te bin yilel ya xjil skoloril te semento sok ya yichʼ ilel bin-utʼil ya yichʼ lapʼel te ladriyoetike. Jaʼnix jich la yichʼ tuuntesel yuʼun la yichʼik nojptesel te albañiletik te kʼoeliktoe. Ta foto ya kiltik jtul j-aʼtel te yak ta stʼochel lokʼel te pajkʼ yuʼun maba ya xtuunix.

Jkojt grua ya slik moel jmajkʼuk te sba nae. Te bin-utʼil pasbil te na ini tʼujbil ta ilel te kʼalal ya kiltik talel ta namale, te yuʼunuk yan yilel yichʼoj pasele, maniwan tʼujbiluk te jichuke.

Yakik ta yakʼel jun tanke yuʼun gas te yichʼoj 95,000 litro. Te gas ini jaʼ ya yichʼ tuuntesel yuʼun ya x-aʼtej-a te skʼixnayojibal jaʼe.

Te bin ya xchiknaj ta ilel ta sur ta yelaw te na. Ta xujk te na ta jwaeltik ya xjuʼ ta ilel te mukʼul pamal jaʼ. Te bitʼil bayal ta chajp skoloril sok te bitʼil pastiklanbil ta sjoyobal spat te nae, jich tʼujbilnax ta ilel-a.

Jtul winik sok yinam schebal ya snaʼik stsʼakel tuboetik (fontanero), yakik ta stsʼakel tuboetik te banti ya xlokʼ bael te jaʼ te kʼalal mato yichʼoj semento-a te pisoe.

Ay chaʼoxtul j-aʼteletik yakik ta slokʼesel toib (meʼsik) te ay ta sba te nae.

Jtul winik sok yinam yakik ta yilel te aʼtelil yuʼun stsʼaktiklanel tubo te yato skʼanxan pasele.

Te kʼalal yak ta koel toib, maba la skomik te aʼtelil yuʼun sjokʼel lum, ya yichʼ chajpanel te bin-utʼil ya yichʼ pasel te mukʼul naetik sok ya yichʼ malel semento (concreto). Ta ajkʼol ta xujk foto ta jkʼexamtik chikan ta ilel te na yak ta pasel te mukbil ta lona yuʼun plastiko. Ta swenta ini, manchukme ta yorail sik jich ya xjuʼ ya yichʼ malbeyel te semento sok ya xjuʼ ya x-aʼtejik sok materialetik te ma xtsakot ta kʼajkʼe, melel jaʼ ya skʼan pasel te kʼalal ma kʼixinuk ta jkʼaxel te kʼinale.

Chaʼoxtul j-aʼteletik yakik ta yotsesel jun membrana de vapor ta yoyal te na sok ta repisas (stiʼiltiʼil) te kʼalal mato xyakʼbeyik-a te spajkʼule.

Foto te lokʼesbil ta toyol ta stojol oeste. Ta stiʼil bael te foto ya xchiknaj ta ilel te wayibal naetike. Te mukʼul sakil na te ay ta olil jaʼ te snail ofisinaetik sok te banti ya x-ayin te bintik ya xtuun yuʼunik te familia Betel. Te kʼinale jteb ma sta 100 ektarea, te banti yak ta pasel te naetike jaʼnax smakoj 20 ektarea. Jich yuʼun te teʼtikile, maba yichʼoj lajinel ni jxujtʼuk.

Foto te lokʼesbil ta toyol ta stojol este. Ta stiʼil talel te foto ya xjuʼ ta ilel te wayibal naetik C sok D. Ta banti te wayibal naetik C ay j-aʼteletik te yakik ta slapʼel laminaetik yuʼun jich ya xjuʼ jilel ta pasel te sba nae.

Jtul karpintero yak ta slapʼel tut tablaetik ta piso ta jun wayibal na, yuʼun jich ya yilik bin-utʼil ya xjuʼ ya xjil. Ay chanchajp te bin-utʼil ya xjuʼ ya xjil te wayibal naetike. Jaʼ ini smakoj tey-a te bin yilel ya xjil skoloril te pintura, te alfombra, te piso, te azulejos sok te sba banti ya yichʼ kajanlanel biluketik.

Te piso yak ta juʼtesel ta kʼabal yuʼun jich lek ya xmal koel-a te jaʼe.

Jtul tecnico te ayix 77 yaʼbilal yak ta yotsesel jun kable yuʼun fibra óptica (kable yuʼun Internet). Te kʼalal ya xjuʼ ta pasel-a te aʼtelile, yichʼojix tuuntesel treinta mil metro te kable ini.