Umbukiso 2 Wezithombe ZaseWarwick (Ka-September Kuya Ku-December 2014)
Kulo mbukiso wezithombe, uzobona ukuthi umsebenzi uthuthuke kanjani endlunkulu entsha yoFakazi BakaJehova phakathi kuka-September no-December 2014.
Umdwebo wendawo yaseWarwick lapho isiphothuliwe. Ukusuka phezulu kuya kwesobunxele:
ISakhiwo Sokulungisa Izimoto
ISakhiwo Sendawo Yokupaka Yezivakashi
ISakhiwo Samashabhu/Sendawo Yokupaka Yomkhaya
ISakhiwo Sokuhlala B
ISakhiwo Sokuhlala D
ISakhiwo Sokuhlala C
ISakhiwo Sokuhlala A
Amahhovisi Okuqondisa/ISakhiwo Sezinkonzo Zomkhaya
September 11, 2014—ISakhiwo Sendawo Yokupaka Yezivakashi
Kuhlanganiswa izinsika zophahla lwesakhiwo sokuhlala C kusentshenziswa izinsimbi.
September 18, 2014—Indawo yesakhiwo saseWarwick
Ukubukeka kwendawo ngasekupheleni kwalapho kusentshenzwa khona eningizimu, ubheke enyakatho ngaseSterling Forest Lake (iBlue Lake). Kunama-crane angu-13 asebenzayo ngesikhathi esisodwa. Nganeno kwesithombe, kuqedelwa ukufakwa kukakhonkolo wesisekelo sesakhiwo sokuhlala B.
September 26, 2014—Amahhovisi Okuqondisa/ISakhiwo Sezinkonzo Zomkhaya
Kulungiselelwa ukufakwa kwemishawo namapulangwe ensimbi. Umklamo wezinsimbi osetshenziswe emahhovisi okuqondisa noma esakhiwo sezinkonzo zomkhaya kuzokwenza kuvuleke kahle indawo futhi kusheshiswe nohlelo lokwakha.
October 9, 2014—Indawo yesakhiwo saseWarwick
Izisebenzi zihlanganisa izinsimbi zophahla oluphelele lwesakhiwo sokuhlala C, zizimboza ngokusazinkethe kanye nokusapulasitini ozovimba amanzi angangeni. Ngemumva, ngakwesobunxele, kwenziwa ingxenye yophahla.
October 15, 2014—Amahhovisi Okuqondisa/ISakhiwo Sezinkonzo Zomkhaya
Abenkontileka bafaka imishawo yensimbi ngasekhoneni eliseningizimu ntshonalanga yesakhiwo. Le ngxenye yesakhiwo izoba nekhishi, indlu yokudlela, ilondolo neminyango yezinkonzo zomkhaya.
October 15, 2014—Indawo yesakhiwo saseWarwick
Kudluliswelwa umshanelo kumsebenzi ofaka amaphayipi okuthutha indle.
October 20, 2014—Indawo yesakhiwo saseWarwick
Lolu donga lwesikhashana lwakhiwa ngenjongo yokuprakthiza indlela oluzohlanganiswa ngayo, umbala wodaka lukasimende nokubeka izitini ezizosenzenziswa. Lwasetshenziswa nasekuboniseni omeselane abasha indlela okuzokwenziwa ngayo. Lapha, lolu donga luyabhidlizwa emva kokuba seluwenzile umsebenzi walo.
October 31, 2014—ISakhiwo SokuhlalaC
Ingxenye yophahla esihlanganisiwe kakade iqukulwa i-crane ifakwa endaweni yayo. Ukwakheka okusanxantathu ngasemaceleni kophahla lwezakhiwo zokuhlala kwenza kubukeke kahle uma ubukela kude.
November 7, 2014—ISakhiwo Samashabhu/Sendawo Yokupaka Yomkhaya
Ithange lamafutha noma uphethiloli elingamalitha angu-95000 libekwa endaweni yalo. Uphethiloli okulamathange uzosetshenziswa emathangini okubilisa.
November 12, 2014—ISakhiwo SokuhlalaC
Ukubukeka kwesakhiwo sibheke eningizimu, kubonakala neBlue Lake ecupheni elingakwezokudla esithombeni. Kusetshenziswe imibala eminingi ecishe ifane ngaphandle kwezindlu ukuze sibukeke kahle isakhiwo.
November 21, 2014—ISakhiwo Samashabhu/Sendawo Yokupaka Yomkhaya
Iqembu lendoda nomkayo lifaka amapayipi amanzi kulungiselelwa ukufaka usimende waphansi.
November 28, 2014—Amahhovisi Okuqondisa/ISakhiwo Sezinkonzo Zomkhaya
Kususwa iqhwa ophahleni, abanye bayaliphephetha.
December 1, 2014—ISakhiwo Samashabhu/Sendawo Yokupaka Yomkhaya
Elinye iqembu lendoda nomkayo libhekisisa ipulani yamapayipi.
December 10, 2014—ISakhiwo Samashabhu/Sendawo Yokupaka Yomkhaya
Kuyagunjwa, kulungiswa indawo yokufakwa kukakhonkolo futhi uyafakwa ngosuku lokuwa kweqhwa. Phezulu ngakwesobunxele esithombeni, izingxenye zamahhovisi okuqondisa noma izakhiwo zezinkonzo zomkhaya zivalwe ngokusapulasitiki okuqinile ukuze yenziwe kahle imisebenzi ehilela ukushisa nokubanda okulawuliwe, njengokuthela ukhonkolo phansi nokufutha usimende wokugwema ukusha, okuzokwenziwa phakathi nobusika.
December 12, 2014—ISakhiwo SokuhlalaD
Izisebenzi zifaka ungqimba oluzovimba umswakama emishaweni kakhonkolo nasemaceleni kukasimende ngaphambi kokuba kufakwe izingxenye zezindonga zangaphandle.
December 15, 2014—Indawo yesakhiwo saseWarwick
Ukubuka uphezulu kwelenyoni ubheke entshonalanga. Izakhiwo zokuhlala zingenhla nesithombe. Isakhiwo esikhulu esimhlophe maphakathi nesithombe amahhovisi okuqondisa noma isakhiwo sezinkonzo zomkhaya. Kwakhiwa endaweni engamaphesenti angu-20 kuphela okungama-hektare angaba ngu-100 endawo isiyonke, ukuze ihlathi eliseduze lingaphazanyiswa.
December 15, 2014—Indawo yesakhiwo saseWarwick
Ukubuka uphezulu kwelenyoni ngasempumalanga, kubonisa izakhiwo zokuhlala C no-D ngasezansi nesithombe. Esakhiweni sokuhlala C, abenkontileka baqedela uphahla olusanxantathu ngokufaka izinsimbi zophahla.
December 25, 2014—ISakhiwo SokuhlalaC
Umbazi ufaka amapulangwe aphansi endlini yesikhashana yokuprakthiza. Indlu ngayinye esakhiweni sokuhlala kuzosetshenziswa uhlobo olulodwa kwezine ezikhethwe kusengaphambili. Lokhu kuhlanganisa umbala kapende, ukhaphethi, amapulangwe aphansi, ama-tile nokuzoba ngaphezu kwamatafula.
December 31, 2014—Amahhovisi Okuqondisa/ISakhiwo Sezinkonzo Zomkhaya
Kuqedelwa ukufakwa kukakhonkolo ngesandla ukuze kuqonde kahle phansi kuze kufike emigodini ethatha amanzi.
December 31, 2014—ISakhiwo SokuhlalaC
Uchwepheshe wezokuxhumana oneminyaka engu-77 ubudala ufaka intambo ye-fiber-optic enemicu eminingi ngaphakathi. Lapho lo msebenzi uphethwa, cishe kuzobe sekufakwe amakhilomitha angaba ngu-32 alentambo.
Okunye Ongase Ukuthande
IMISEBENZI YOKWAKHA
Umbukiso 1 Wezithombe ZaseWarwick (Ka-May Kuya Ku-August 2014)
Bona omunye womsebenzi owenziwe eSakhiweni Sokulungisa Izimoto, amaHhovisi Okuqondisa/Isakhiwo Sezinkonzo Zomkhaya nezakhiwo zokuhlala u-C no-D.
IMISEBENZI YOKWAKHA
Umbukiso 3 Wezithombe ZaseWarwick (Ka-January Kuya Ku-April 2015)
Ngo-February, kwase kunabangu-2500 ababesebenza lapha usuku ngalunye, kukhona namavolontiya esikhashana angaba ngu-500 afika masonto onke. Bona intuthuko.
INcwadi Yonyaka YoFakazi BakaJehova Ka-2015
Inqubekela Phambili Esheshayo EWarwick
Yizwa intokozo ekhona endaweni okwakhiwa kuyo indlunkulu entsha yomhlaba wonke yoFakazi BakaJehova.
IMISEBENZI YOKWAKHA
Ezakamuva NgeWarwick #1
Umsebenzi uyaqhubeka esakhiweni esizoba indlunkulu yomhlaba wonke yoFakazi BakaJehova eWarwick, eNew York. Yizwa lokho okushiwo izisebenzi zokuzithandela ezingoFakazi ngomsebenzi wazo.
IMISEBENZI YOKWAKHA
Ezamuva ngeWarwick #2
Izisebenzi zokuzithandela ezivela nxazonke zomhlaba zisebenza ndawonye emsebenzini wokwakha isakhiwo esizoba indlunkulu yomhlaba wonke yoFakazi BakaJehova.