Jeoba jindeesti ima Tata Diosï enga Bibliarhu uandajka ka enga sési jimboeka, Kueraajpiri enga iámindu ambe úka (Jaŋaskuecha 4:11). Profetecha komu Abraámi ka Moisési ka ístu Jesúsi, imanksï kómarhispti (Génesis 24:27; Éxodo 15:1, 2; Juanu 20:17). Ima no jindeesti májku ireteri Tata Diosï, sino iámindu parhakpiniri (Salmo 47:2).

 Biblia uandasïndi eska Tata Diosï, Jeoba arhinhasïnga ka imajkusï ísï arhinhajti (Éxodo 3:15; Salmo 83:18). I uandakua, berbu máesti ebreu jimbo ka arhikuekasïndi “niárani jindeeni”. Máru engaksï kánikua mítekuka uandasïndiksï eska i nombri arhikuekasïnga “Ima Úsïndi eska Niáraaka Úkuarhini”. I ambe sési terukuntasïndi Jeobani jingoni jimboka ima kueraaska iámindu ambe ka úsïndi eska iámindu ambe ísï úkuarhiaka eska ima na eratsejka (Isaías 55:10, 11). Ístu, Bibliajtsïni jarhuatasïndi míteni na enga jásïika ima. Pori ejemplu, míteni eska ambe enga ima sánderu xarhatajka jindeeska uékperakua (Éxodo 34:5-7; Lukasʌ 6:35; 1 Juanu 4:8).

 Tata Diosïri nombri enga ebreu jimboeka, p’ure jimbo ísï peeranhantasti Jeoba. I nombri enga tʼámu letrecha jingoni karakuarhienga, ísï mítekuarhisti komu Tetragrámaton (יהוה) ka jindeestiksï ari tʼámu letrecha YHWH. Nájkiruka no mítekuarhika na engaksï uandenga i nombrini ebreu jimbo, turisï jimbo iónisï ísï uandanhastia, Jehová. Primeru Biblia enga turisï jimbo karanhantaka ka enga jukanharhika Tata Diosïri nombri jindeesti Salmuecheri enga Juan de Valdés karantaka uéxurhini 1537 jimbo ísï. a

¿Andisï no mítekuarhi na enga uandanhenga ióntki, Tata Diosïri nombri ebreu jimbo?

 Karakata ebreu ióntki anapu, no karakuarhisïrendi bokalicha jingoni jimboka ima enga arhintani jarhenga, imasï jatsikuauendi bokalichani. Joperu enga k’amakurhipka karakuarhini Karakata Ebreaecha (Antiguo Testamento), máru judiuechaksï niáraspti jakajkuni eska no sési jarhaspka uandani Tata Diosïri nombrini. Engaksï arhintenga karakata ma enga Tata Diosïri nombrini jukanharhienga, mójtakusïrendiksï máteru uandakuecha jimbo komu “Tata” o “Diosï”. Engaksï na nitamapkia uéxurhinicha, sánderu uánikua k’uiripu niáraspti nóteru úrania Tata Diosïri nombrini ka ísï mirikurhisptiksï na enga uandanhenga i nombri. b

 Máruksï uandasïndi eskaksï Tata Diosïri nombrini arhisïrengaksï “Yahweh” (“Yahvé”), joperu máteruecha máteru ambeksï uandasïndi. Karakatecha jimbo engaksï ísï mítekateka komu Rollos del mar Muerto, jarhasti ma parti enga jindeeka libro de Levítico enga griego jimbo jaka ka enga jukanharhika Tata Diosïri nombri ini letrecha jingoni “Iao”. Máteru ióntki anapu kararicha Grecia anapu, ístuksï uandasïndi eska sési jarhaska úrani “Iae”, “Iabé” o “Iaoué”, joperu no nema úsïndi xarhatani eska ióntki ísï uandanhasïrenga ebreu jimbo. c

Ambe enga uandanhajka Tata Diosïri nombriri enga Bibliarhu jaka

 Ambe engaksï jakajkujka máru: Tata Diosïri nombri no jatsipirindi para Bibliarhu jarhani jimbokachi no míteska na engamindu úrakuarhienga ebreu jimbo.

 Ambe enga jurhimbitkueka: I ambe engaksï máru k’uiripuecha uandajka, arhikuekasïndi eska Tata Diosï uékasïnga eskachi iáminduecha májkueni arhiaka imeeri nombri náki uéjki idiomachi uandani. Joperu Biblia uandasïndi eskaksï ióntki anapu Tata Diosïri marhuaricha ísïksï uandasïrendi nombricha eska na jindeepka imeecheri idioma jimbo.

 Ju je exeni na engaksï primeru siglurhu anapu kristianuecha uandenga Josuéri nombrini, Israeli anapu ma juesi. Ima engaksï idioma ebreu uandenga, jamberiksï arhiendi “Ieshúa”, ka imeecha engaksï griegu uandenga, arhisïrendiksï “Iesous”. I nombri enga ebreu jimboeka, Bibliarhu tradusirinhasti griegu jimbo. Ka i ambe xarhatasïndi eskaksï kristianuecha arhiasïrenga nombrichani ísï eska na jindeepka imeecheri idioma jimbo (Ukuecha 7:45; Ebreu 4:8).

 Ka májkuenisti Tata Diosïri nombri jingoni. Ambe enga sánderu jukaparhakueka no jindeesti na engaksï ióntki uandenga imeeri nombrini, sino eska jima jauaka nani enga jatsika para jarhani Bibliarhu.